နိုဝင်ဘာ ၂၊ ၂၀၁၅
M-Media
– သြစေတးလျ တော်ဝင်ရေတပ်၏ ပထမဆုံး မွတ်စလင်ဗိုလ်ကြီး မိုနာရှင်ဒီမှာ နှစ် ၂၀ ကျော်ကာလအတွင်း စွမ်းစွမ်းတမံ ဆောင်ရွက်မှုများအပြင် စီးပွားရေးဆိုင်ရာ ထူးချွန်မှုအတွက် 2015 Telstra NSW Business Woman ဂုဏ်ပြုဆုကို ချီးမြှင့်ခံခဲ့ရသည်ဟု သိရသည်။
“လူတွေ တီထွင်ဆန်းသစ်နိုင်စွမ်း ရှိလာအောင် လုပ်ပေးရတာနဲ့ သူတို့ရဲ့ အပူအပင်ကင်းတဲ့ ဘ၀တွေကနေ ထွက်ပြီး ကိစ္စတွေကို မတူညီတဲ့ ရှုထောင့်ကနေ ကြည့်ရှုဖို့ လုပ်ပေးရတာကိုလည်း ကျွန်မ နှစ်သက်ပါတယ်” ဟု သြစတေးလျ စစ်ဘက်ဆိုင်ရာနှင့် ရေတပ်ထောက်ပံ့မှုရာဌာနမှ ဒါရိုက်တာ ဗိုလ်ကြီး ရှင်ဒီက ပြောကြားခဲ့သည်။
“ကျွန်မဟာ လူတွေကို ကြောက်ရွံ့မှု၊ ဒါမှမဟုတ် ခွဲခြားမှုတွေကနေ ကင်းလွတ်ပြီး အမှန်တရားကို မြင်စေချင်ပါတယ်။ ပြီးတော့ ကွဲပြားတဲ့ အမြင်တွေ၊ ဆောင်ရွက်မှုတွေကိုလည်း အလေးထားလာစေချင်ပါတယ်”
လွန်ခဲ့သည့် ၂၆ နှစ်က အင်ဂျင်နီယာဘွဲ့ ရကာစ အသက် ၂၃ နှစ်အရွယ် ရှင်ဒီမှာ သြစတေးလျ တော်ဝင်ရေတပ်ထဲသို့ ၀င်ရောက်လာခဲ့ပြီး အင်ဂျင်နီယာတစ်ဦးအဖြစ် ပစိဖိတ် သမုဒ္ဒရာထဲတွင် ဒုံးကျည်စမ်းသပ်ရန်အတွက် HMAS Canberra စစ်သင်္ဘောနှင့် လိုက်ပါခဲ့ရသည်။
သြစတေးလျ တော်ဝင်ရေတပ်တွင် စတင် တာဝန်ထမ်းဆောင်ခဲ့သည့် အချိန်မှစ၍ ၂၆ နှစ်လုံးလုံး ရရှိခဲ့သော အတွေ့အကြုံများဖြင့် သြစတေးလျ ဝေဟင်တိုက်ပွဲဝင် ဖျက်သင်္ဘောအစီအစဉ်အတွက် ၀ါရှင်တန်ဒန်စီသို့ နိုင်ငံကိုယ်စားပြုကာ သွားရာက်ခဲ့ရသည်။
လက်ရှိ သူမ၏ရာထူးမှာ နိုင်ငံတော် ကာကွယ်ရေးအတွက် အဓိက စစ်လက်နက်ပစ္စည်းများ စူးစမ်းထုတ်လုပ် စုဆောင်းရခြင်းဖြစ်သည်။
“ကျွန်မတို့ဟာ လုံးဝ ထူးခြားဆန်းသစ်ပါတယ်။ လူတွေက ကျွန်မတို့ရဲ့ လှုပ်ရှားမှုတိုင်းကို သိခဲ့တယ်။ ကျွန်မတို့ ဘာတွေလုပ်တော့မယ်၊ ဘယ်နေရာမှာရှိနေတယ် စသဖြင့်ပေါ့။ အားလုံးခြုံပြောရရင်တော့ ကျွန်မရဲ့ အတွေ့အကြုံဟာ အပြုသဘော ဆောင်ခဲ့ပါတယ်။ ဒါပေမယ့် တော်တော်ကြီးမားတဲ့ စိန်ခေါ်မှုနဲ့လည်း ရင်ဆိုင်ခဲ့ရဖူးပါတယ်” ဟု တော်ဝင်ရေတပ် ဗိုလ်ကြီးဖြစ်ပြီး၊ အင်ဂျင်နီယာ၊ ရေတပ် ယဉ်ကျေးမှုအကြံပေးနှင့် စီးပွားရေးလုပ်ငန်းရှင်လည်း ဖြစ်သူ ရှင်ဒီက Daily Telegraph သတင်းစာသို့ ပြောကြားခဲ့သည်။
ထို့ပြင် အမျိုးသမီးတစ်ယောက် ဖြစ်နေသည့်အတွက် ပိုမို ကြိုးစားခဲ့ရသည်များကိုလည်း သူမက ဖွင့်ဟခဲ့သည်။
“ဘယ်လုပ်အလုပ်မျိုးမှာပဲဖြစ်ဖြစ် အမျိုးသမီးအင်ဂျင်နီယာတွေဟာ သူတို့ရဲ့ တန်ဖိုးကို သက်သေပြဖို့၊ အစပိုင်းမှာ တော်တော်လေး ကြိုးကြိုးစားစား အလုပ်လုပ်ရသလို၊ တန်ဖိုးရှိတဲ့သူအဖြစ်၊ အသင်းအဖွဲ့အတွက် တကယ့်ကို ကူညီနိုင်သူအဖြစ် အပြည့်အ၀ လက်ခံလာဖို့ ယှဉ်ပြိုင်နိုင်စွမ်းကိုလည်း ထုတ်ပြရပါတယ်”
သူမ၏ အဓိက စိန်ခေါ်မှုမှာ ရမ်ဇာန်ဥပုသ်လတွင် အစားအသောက်စားသောက်ရန် လုပ်ဖော်ကိုင်ဖက်များက တိုက်တွန်းခြင်းဖြစ်သည်ဟု ဆိုသည်။
“ကျွန်မရဲ့ ပထမဆုံး တုံ့ပြန်မှုကတော့ သူတို့ကို စိတ်ဆိုးတာထက် နားလည်ပေးဖို့ပါ။ ပြီးတော့ သူတို့ကို ကျွန်မအဖြေရဲ့ အစိတ်အပိုင်း ဖြစ်လာအောင် ကြိုးစားပြီး ဆွေးနွေးပြောဆိုမှုတွေကနေ တစ်ဆင့် အဆင့်အတန်းရှိရှိ အသိပညာပေးပါတယ်။ ပြီးတော့ ကျွန်မလုပ်တဲ့အလုပ်နဲ့ ပတ်သက်ပြီး ပရော်ဖက်ရှင်နယ်ဖြစ်အောင်၊ ချွတ်ယွင်းချက်ကင်းတဲ့ ရလဒ်မျိုး ထွက်လာအောင် စတဲ့နည်းလမ်းနဲ့လည်း သူတို့ကို တုန့်ပြန်ပါတယ်”
ယဉ်ကျေးမှုပေါင်းကူးခြင်း
ယဉ်ကျေးမှုများအကြား ပေါင်းကူသည့် သူမ၏ ဆောင်ရွက်မှုများမှာ အောင်မြင်ခဲ့ပြီး ရှင်ဒီမှာ သြစတေးလျရေတပ်တွင် အစ္စလာမ့်ယဉ်ကျေးမှုရေးရာ မဟာဗျူဟာ အကြံပေးတစ်ဦးလည်း ဖြစ်လာခဲ့သည်။ ထိုရာထူးတွင် စွမ်းစွမ်းတမံ ဆောင်ရွက်နိုင်မှုကြောင့် ယခုနှစ်တွင် Conspicuous Service Cross ဂုဏ်ပြုဆုကို ရရှိခဲ့သည်။
ရှင်ဒီ၏ ရည်ရွယ်ချက်ကမူ သြစတေးလျ ကာကွယ်ရေးတပ်ဖွဲ့အတွင်းသို့ မွတ်စလင်များ ပိုမိုဝင်ရောက်လာရေး တိုက်တွန်းရန်ဖြစ်သည်။ လက်ရှိတွင် သြစတေးလျ၏ အင်အား ၄၅၀၀၀ ရှိသည့် စစ်တပ်တွင် အစ္စလာမ်ဘာသာဝင် အရေအတွက်မှာ ၁၀၀ ၀န်းကျင်ခန့်သာ ရှိပြီး ရေတပ်တွင် ၂၇ ဦး ရှိနေသည်။
အကြမ်းဖက်အဖွဲ့များ၏ တိုက်ခိုက်မှုများနှင့် ပတ်သက်၍လည်း သူမက ထိုအဖွဲ့များမှာ မွတ်စလင်မဟုတ်သူများအား ကြောက်လန့်စေရန်နှင့် ဂနာမငြိမ်ဖြစ်စေရန်အတွက် အစ္စလာမ့်သွန်သင်မှုများကို အလွဲသုံးစားလုပ်နေခြင်းဟု ပြောကြားခဲ့သည်။
“မွတ်စလင်အချို့ကြောင့် မွတ်စလင်လူ့အဖွဲ့အစည်းတစ်ခုလုံး သံသယမျက်စိနဲ့ အကြည့်ခံရပါတယ်” ဟု ဗိုလ်ကြီး ရှင်ဒီက ပြောကြားခဲ့ပြီး အချို့သော မွတ်စလင်လူငယ်များမှာ “သူတို့နှင့် ငါတို့” ဆိုသည့် သဘောထားများ ရှိနေသည်ဟုလည်း သူမက ထည့်သွင်းပြောကြားခဲ့သည်။
“တိုင်းပြည်နဲ့ လူမျိုးကိုချစ်တဲ့ သြစတေးလျနိုင်ငံသား တစ်ယောက်အဖြစ် ဂုဏ်ယူနိုင်ပါတယ်။ ပြီးတော့ ကိုယ့်ရဲ့ မွေးဖွားရာ ဇာတိရင်းမြစ်ကိုလည်း ချစ်ပါ။ အဲဒီ အသိုက်အ၀န်း၊ လူ့အဖွဲ့အစည်းနှစ်ခုစလုံးအတွက်လည်း လုပ်ပါ။ ဒီလိုပဲ ကျွန်မရဲ့ဘ၀ကို ရှင်သန်ခဲ့တာပါ။ ဒီ အခြေအနေ ၂ ခုကြားမှာ ဘ၀တစ်ခု ရှာလို့ရအောင် ကျွန်မ အခြားသူတွေကို ကူညီချင်ပါတယ်” ဟု ရှင်ဒီက ဆိုသည်။
Telstra Business Women ဆု၏ သံတမန်ဖြစ်သူ ကိတ် မက္ကင်ဇီက ဗိုလ်ကြီးရှင်ဒီ အပါအ၀င် ထိုဆုကို ရရှိခဲ့သူများ အားလုံးမှာ ၎င်းတို့၏ သက်ဆိုင်ရာ စီးပွားရေးနယ်ပယ်များတွင် ချီးကျူးစရာကောင်းသည့် ရလဒ်များကို ဆောင်ရွက်နိုင်ခဲ့သည်ဟု ပြောကြားခဲ့သည်။
“The 2015 NSW ဆု ရရှိသူဟာ အင်မတန်ထူးချွန်တဲ့ စီးပွားရေးသမားတစ်ယောက် ဖြစ်ပြီး ကြင်နာတတ်သူ၊ သတ္တိရှိသူ၊ စိန်ခေါ်မှုတွေကို ရင်ဆိုင်ချင်သူ တစ်ယောက်လည်း ဖြစ်ပါတယ်” ဟု မက္ကင်ဇီက ဆိုသည်။
ထို့ပြင် အဆိုပါဆုကို ရွေးချယ်ခဲ့သည့် ဒိုင်လူကြီးများကလည်း ဗိုလ်ကြီးရှင်ဒီ၏ သြစေတေးလျ တော်ဝင်ရေတပ်အတွင်း ယဉ်ကျေးမှုများအကြား ပေါင်းကူးပေးမှုတွင် အားထုတ်မှုနှင့် သြစတေးလျ ကာကွယ်ရေးတပ်ဖွဲ့မှာ အားလုံးပါဝင်နိုင်သည့် တပ်ဖွဲ့မျိုး ဖြစ်လာရေး သူ၏ စွမ်းဆောင်မှုများမှာလည်း လေးစားချီးကျူးဖွယ်ရာ ကောင်းသည်ဟု ပြောကြားခဲ့သည်။
Ref: Onislam
Related Posts
- မွတ်စ်လင်မ် လူ့အဖွဲ့အစည်း အပေါ် အားပေးရေး လှုပ်ရှားမှု ဂျူးနှင့် ခရစ်ယာန် ခေါင်းဆောင်များ ပြုလုပ် (Aug 25, 2014)
- မနက်ဖြန် ဖွင့်လှစ်တော့မည့် သြစတြေးလျနိုင်ငံရဲ့ အစ္စလာမ့် အနုပညာနှင့် သမိုင်းပြတိုက် (Mar 2, 2014)
- သြစတေးလျမှ ထွန်းတောက်လာသည့် မွတ်စ်လင်မ်ခေါင်းဆောင်အား ဂုဏ်ပြု (Nov 22, 2013)
- သြဇီတွင် ဝန်ကြီးချူပ်၏ ပါလီမန် အတွင်းရေးမှူး အဖြစ် ခံအပ်ခံရသူ အစ္စလာမ်ဘာသာဝင် အမျိုးသား ကုရ်အာန်ကို ကိုင်တွယ်၍ ကျမ်းသစ္စာကျိန်ဆိုခဲ့ (Jul 2, 2013)
Facebook
Twitter
0 comments:
Note: only a member of this blog may post a comment.