အမည်ပျက်ရှိနေသည့် ကျောင်းထိုင်ဘုန်းကြီးအား ဖမ်းဆီးရေး ထိုင်းက အင်အားသုံးဖွယ် ရှိနေ

မေ ၃၀၊ ၂၀၁၆
M-Media



– အလွဲသုံးစားလုပ်ထားသော ငွေများအား အလှူငွေအဖြစ် လက်ခံကာ ငွေကြေးခ၀ါချမှုတွင် ပါဝင်သည်ဟု စွပ်စွဲခံထားရသည့် ဘန်ကောက်မြို့ နာမည်ကျော် ဘုန်းကြီးကျောင်းမှ ကျောင်းထိုင်ဆရာတော်အား ဖမ်းဆီးရန်အတွက် ဘုန်းကြီးကျောင်း ပတ်ဝန်းကျင်တွင် ရဲတပ်ဖွဲ့နှင့် စစ်တပ်အင်အား ၂၂၀၀ ကျော်ကို ထိုင်းအစိုးရက ချထားလိုက်သည်ဟု သိရသည်။

ဘန်ကောက်မြို့မြောက်ဖက်မှ ဧက ၁၀၀၀ ကျယ်သော ဓမ္မကာယ ဘုန်းကြီးကျောင်းဖြစ်ပြီး ၀င်ပေါက် ၁၅ ခုတွင် တပ်ဖွဲ့များကို ချထားခဲ့ခြင်းဖြစ်သည်ဟု ထိုင်း အထူးစုံစမ်းစစ်ဆေးရေးဌာန DSI ၏ ရင်းမြစ်တစ်ခုက ပြောကြားခဲ့သည်။

နာမည်ပျက်များရှိနေသည့် ကျောင်းထိုင်ဆရာတော် Phra Dhammachayo ကို ဖမ်းဆီးရေး အစိတ်အပိုင်းအဖြစ် ဒရုန်းလေ ယာဉ်တစ်စီးနှင့် ရဟတ်ယာဉ်တစ်စင်းတို့ကလည်း အ၀င်အထွက်အပေါက်များနှင့် ဘုန်းကြီးကျောင်းဝန်းကျင်တို့အား စနေနေ့ကတည်းက ပျံဝဲစောင့်ကြည့်နေသည်။

သက်တော် ၇၂ နှစ်အရွယ်ရှိ အဆိုပါ ဆရာတော်မှာ မသမာသည့်နည်းဖြင့် ရယူထားသော ငွေကြေးများကို အလှူငွေအဖြစ် လက်ခံကာ ငွေကြေးခ၀ါချမှုတွင် ပူးပေါင်းကြံစည်သည်ဟု စွပ်စွဲခံထားရသည်။ သို့သော်လည်း ၎င်း၏ နောက်လိုက်များကမူ မိမိတို့မှာ ဘုန်းကြီးကျောင်း ဂုဏ်သိက္ခာညှိုးနွမ်းစေရန်အတွက် ကြံစည်မှု၏ သားကောင်များသာဖြစ်သည်ဟု ပြောကြားခဲ့သည်။

အဆိုပါ ကိစ္စမှာ Klongchan Credit Union Cooperative ဘဏ္ဍာရေးလုပ်ငန်းမှ ထိုင်းဘတ် ၁၁ ဘီလီယံ (ကန်ဒေါ်လာ ၄၂၅ သန်း) ကျော်ကို အလွဲသုံးစားပြုခဲ့သည့် Supachai Srisupa-aksorn ဆိုသူနှင့်ပတ်သက်နေသည်။ Supachai မှာ ထိုကိစ္စကြောင့် မတ်လတွင် ထောင်ဒဏ် ၁၆ နှစ် ချမှတ်ခံခဲ့ရသည်။

ဓမ္မကာယ ဘုန်းကြီးကျောင်းနှင့် ဆက်နွယ်နေသူများကို Supachai က ထိုင်းဘတ် ၁ ဘီလီယံကျော်ကို ချက်လက်မှတ်ဖြင့် ပေးအပ်ခဲ့သည်ဟု DSI တာဝန်ရှိသူများက ပြောကြားခဲ့သည်။ ဘုန်းကြီးကျောင်းက မိမိတို့၏ ကျောင်းထိုင်ဆရာတော်မှာ ထိုငွေကြေးခ၀ါချမှုတွင် ပါဝင်ပတ်သက်ခြင်းမရှိဘဲ စွဲချက်များမှာလည်း အခြေအမြစ်မရှိဟု တုန့်ပြန်ခဲ့သည်။

ဆရာတော် Phra Dhammachayo မှာ ၎င်းအား စွဲဆိုထားမှုများအား နေမကောင်းသည်ဟုဆိုကာ တရားရုံးတွင် လာရောက်ရင်ဆိုင်ခြင်း မရှိသောကြောင့် ထိုင်းအာဏာပိုင်များက မေလ ၁၇ ရက်နေ့တွင် ဖမ်းဝရမ်းထုတ်ခဲ့သည်။ လက်ရှိအချိန်တွင် အဆိုပါ ဆရာတော်မှာ ဘုန်ကြီး ၂၀၀၀ ခန့် သီတင်းသုံးနေသော ဓမ္မကာယ ဘုန်းကြီးကျောင်းဝင်းအတွင်း ရှိနေပြီး DSI ကမူ ဘုန်းကြီးကျောင်းအတွင်း ရှာဖွေဝရမ်း ထုတ်ပြန်ရန် စဉ်းစားနေသည်ဟု ဆိုသည်။

ထိုင်းတရားရေးဝန်ကြီး Paiboon Koomchaya ကမူ DSI မှာ အဆိုပါ ကျောင်းထိုင်ဆရာတော်အား ဖမ်းဆီးရေး အဆင့် ၅ ဆင့် သတ်မှတ်ထားပြီး တင်းမာမှုများ မဖြစ်ပွားစေရန်အတွက် ဖမ်းမည့်ရက်အတိအကျကို အာဏာပိုင်များက သတ်မှတ်သွားမည်ဟု ပြောကြားခဲ့သည်။

Ref : Straittimes

Related Posts

• ကမ္ဘောဒီးယား သစ်ခုတ်သမား ၂ ဦးအား ထိုင်းစစ်တပ် ပစ်သတ်မှု ကမ္ဘောဒီးယား အစိုးရ ရှုတ်ချ (Oct 7, 2014)
• ဗြိတိန်စုံတွဲအား မြန်မာအလုပ်သမားများ သတ်ဖြတ်သည့်ဟု စွပ်စွဲချက်တွင် အထောက်အထား တချို့ ကွဲလွဲနေ (Oct 5, 2014)
• ထိုင်းနိုင်ငံ ကော်တောင်ကျွန်းတွင် အသတ်ခံခဲ့ရသည့် ဗြိတိန် စုံတွဲ၏ နောက်ဆုံးမိနစ်များ (Oct 4, 2014)
• အာဏာသိမ်းမှု ထပ်မလုပ်ဟု ထိုင်းစစ်တပ် အကြီးအကဲသစ်ဆို (Oct 1, 2014)
• ထိုင်းနိုင်ငံတွင် မြန်မာအလုပ်သမား တစ်ဦး လုပ်ငန်းခွင်၌ ငြမ်းပေါ်မှ ပြုတ်ကျပြိး ဦးခေါင်း ဒဏ်ရာရ (Aug 29, 2014)
• အာဏာသိမ်းခေါင်းဆောင် ဗိုလ်ချုပ်ကြီး ပရာယွတ်အား ၀န်ကြီးချုပ်အဖြစ် ထိုင်းဘုရင် အသိအမှတ်ပြု (Aug 26, 2014)
• အာဏာသိမ်း ထိုင်းစစ်တပ်ခေါင်းဆောင် ယူနီဖောင်းလဲကာ ၀န်ကြီးချုပ် ဖြစ်လာဖွယ်ရှိနေ (Aug 21, 2014)
• ထိုင်းမွတ်စ်လင်မ် ၁ သောင်းကျော် ယခုနှစ် ဟဂ်ျ ခရီးစဉ် သွားရောက်မည် (Aug 4, 2014)
• အစ္စရေး၏ ဂါဇာအား ကျူးကျော် တိုက်ခိုက်မှု ထိုင်းမွတ်စလင်မ် မီဒီယာကွန်ရက်မှ ရှုံ့ချ ၊ ထိုင်းပြည်သူများ ဆန္ဒပြ (Jul 19, 2014)
• ထိုင်းနိုင်ငံရှိ မြန်မာဒုက္ခသည် ၁ သိန်းကျော် နေရပ်ပြန်ပို့မည် (Jul 13, 2014)