အီရန်နှင့် အီတလီတို့ စီးပွားရေးသဘောတူညီချက် အမြောက်အများ ရရှိ

ဧပြီ ၁၄၊ ၂၀၁၆
M-Media



– အင်အားကြီး ၆ နိုင်ငံနဲ့ နျူသဘောတူညီချက်ကို လက်မှတ်ရေးထိုးနိုင်ခဲ့ပြီးတဲ့နောက် ကမ္ဘာတစ်ဝှမ်း စီးပွားရေး ချဲ့ထွင်ဖို့ လုပ်ဆောင်နေတဲ့ အီရန်နိုင်ငံဟာ အီတလီနဲ့ စီးပွားရေးဆိုင်ရာ သဘောတူညီချက်စာချုပ် ၁၂ ခုကို ချုပ်ဆိုနိုင်ခဲ့တယ်လို့ သိရပါတယ်။

တီဟီရန်ကိုရောက်ရှိနေတဲ့ အီတလီဝန်ကြီးချုပ် မတ်တီယို ရန်ဇီနဲ့ အီရန် စက်မှု၊ သတ္ထုတွင်းနဲ့ ကုန်သွယ်ရေးဝန်ကြီး မိုဟာမက် ရီဇာ နီမတ်ဇာဒဟ်တို့ ယမန်နေ့က တွေ့ဆုံစဉ်အတွင်း အခုလို သဘောတူညီချက်ရရှိခဲ့တာ ဖြစ်ပါတယ်။

အီရန်အစိုးရသတင်းဌာန IRNA ကတော့ အဲဒီ သဘောတူညီချက်တွေမှာ စွမ်းအင်၊ ဆောက်လုပ်ရေး၊ လျှပ်စစ်၊ သတင်းနဲ့ ဆက်သွယ်ရေးနည်းပညာ၊ သံမဏိနဲ့ အထည်အလိပ်လုပ်ငန်းများ အပါအ၀င် အမျိုးအမျိုးသော ကုန်သွယ်မှု ကဏ္ဍတွေမှာ အီတလီကုမ္ပဏီတွေနဲ့ ပူးပေါင်းလုပ်ကိုင်ဖို့ သဘောတူညီခဲ့တာဖြစ်တယ်လို့ ဖော်ပြခဲ့ပါတယ်။

အီတလီရဲ့ နာမည်ကြီးစီးပွားရေးလုပ်ငန်းအုပ်စု Finmeccanica နဲ့ အီရန်ရဲ့ Foulad Boutia လုပ်ငန်းစု နှစ်ခုကြား အီရန်တောင်ပိုင်း ကာမန်မှာရှိတဲ့ ဓာတ်အာပေးစက်ရုံတည်ဆောက်ဖို့အတွက် ပစ္စည်းကိရိယာနဲ့ ၀န်ဆောင်မှုလုပ်ငန်းတွေ ပေးပို့ရေး ဒေါ်လာ ၂၃၇ သန်းတန် စာချုပ်တစ်ခုကိုလည်း နှစ်ဖက် လက်မှတ်ရေးထိုးနိုင်ခဲ့ပါတယ်။

နောက်ပြီး အီရန်မှာ စတီးလ်ကုမ္ပဏီတစ်ခုတည်ဆောက်ရေး လိုအပ်တဲ့ ပစ္စည်းကိရိယာနဲ့ ၀န်ဆောင်မှုတွေပေးပို့ဖို့ အီတလီရဲ့ Danieli Group နဲ့ ယူရို သန်း ၃၅၀ တန် စာချုပ်တစ်ခုလည်း အဲဒီသဘောတူညီချက်တွေမှာ ပါဝင်ပါတယ်။

အခမ်းအနားမှာ အီတလီဝန်ကြီးချုပ်က စီမံကိန်းတွေမှာ ထိထိရောက်ရောက်လုပ်ကိုင်ဖုိ့ ပြောဆိုခဲ့ပြီး နှစ်နိုင်ငံ ဆက်ဆံရေးအားကောင်းစေဖို့ကိုလည်း တိုက်တွန်းခဲ့ပါတယ်။

နိုင်ငံတကာက အရေးယူပိတ်ဆို့မှုတွေ မပြုလုပ်ခင်ကတည်းက အီတလီနိုင်ငံဟာ အီရန်ရဲ့ ထိပ်တန်း စီးပွားရေး ကုန်သွယ်ဖက်နိုင်ငံတွေထဲက တစ်နိုင်ငံဖြစ်ပြီး အဲဒီအချိန်တုန်းက နှစ်နိုင်ငံကြား နှစ်စဉ်ကုန်သွယ်ရေး တန်ဖိုးဟာ ယူရို ၇ ဘီလီယံအထိ ရှိခဲ့ပါတယ်။

Ref: Presstv

Related Posts

• အီရန်က ဒုံးကျည်စစ်ရေးလေ့ကျင့်မှု နောက်ဆုံးအဆင့်ကို ပြုလုပ် (Mar 9, 2016)
• ပါလက်စတိုင်း နယ်မြေများ အစ္စရေး သိမ်းယူနေမှု စည်းစည်းလုံးလုံး ဆန့်ကျင်ရန် မွတ်စလင်မ် ကမ္ဘာကို အီရန် တိုက်တွန်း (Mar 8, 2016)
• အိုအိုင်စီထိပ်သီးညီလာခံတွင် အစ္စရေး၏ ရာဇ၀တ်မှုများအကြောင်း အီရန် ပြောမည် (Mar 7, 2016)
• ရေနံထွက်ပစ္စည်း သယ်ယူပို့ဆောင်ရေး အီရန်နှင့်စင်ကာပူ ပူးပေါင်းဆောင်ရွက်မည် (Mar 2, 2016)
• ပြည်တွင်းဖြစ် ကာကွယ်ရေးပစ္စည်း ၅ မျိုးကို အီရန်က ထုတ်ဖော်ပြသ (Mar 1, 2016)
• အီရန်ပြည်သူများ၏ နိုင်ငံအပေါ်သစ္စာရှိမှုကို ဖျက်ဆီးလိုသည့် ရန်သူများ၏အကြံအစည် မအောင်မြင်ဟု အဓိပတိ ပြော (Feb 25, 2016)
• အီရန်စစ်တပ်က ဒုံးကျည်စစ်ရေးလေ့ကျင့်မှု မကြာမီပြုလုပ်မည် (Feb 16, 2016)
• ရန်သူများ၏ အကြံအစည်မအောင်မြင်ဟု အီရန် အဓိပတိပြော၊ မိမိတို့ ရည်ရွက်ချက်မှာ ဘက်စုံဖွံ့ဖြိုးသည့် အစ္စလာမ့်လူ့အဖွဲ့အစည်းဖြစ်ရေးဟု ဆို (Feb 9, 2016)
• “ရှင်တို့ပေါ့ Deash (IS) ကို ဖန်တီးခဲ့တာ” (Feb 5, 2016)
• ရေနံထုတ်လုပ်မှုတိုးမြှင့်၍ ကမ္ဘာ့ဈေးကွက်ထဲဝင်ရန် အီရန်ပြင်ဆင် (Feb 1, 2016)