ဇွန် ၂၄၊ ၂၀၁၇
M-Media
– ဆော်ဒီအာရေဗျနိုင်ငံ မက္ကာမြို့ရှိ အစ္စလာမ်ဘာသာဝင်တို့ အထွဋ်အမြတ်ထားရာ ကအ်ဗာကျောင်းတော် တည်ရှိသော မတ်စ်ဂျစ်ဒ်ဟရမ် ဗလီဝတ်ကျောင်းတော်အား ဗုံးခွဲရန် ကြံစည်မှုကို ယမန်နေ့တွင် အောင်မြင်စွာ ဟန့်တားနိုင်ခဲ့သည်ဟု ဆော်ဒီက ပြည်ထဲရေးဝန်ကြီးဌာနက ပြောကြားလိုက်သည်။
မက္ကာရှိ အဆီလာဟ်နှင့် အဂ်ျယဒ် အလ်-မာဆာဖီတို့မှ အကြမ်းဖက်ကွန်ယက်နှစ်ခု၊ ဂျစ်ဒါရှိ အကြမ်းဖက်ကွန်ယက်တစ်ခုတို့က မတ်ဂျစ်ဒ်ဟရမ် ဗလီဝတ်ကျောင်းတော်၏ လုံခြုံရေးစည်းနှင့် ၀တ်ပြုသူများကို မကြာခင် တိုက်ခိုက်ရန် စီစဉ်ထားခြင်းဖြစ်သည်ဟု ဆော်ဒီ ပြည်ထဲရေးဝန်ကြီးဌာနက အတည်ပြုခဲ့သည်။ အဂ်ျယဒ် အလ်-မာဆာဖီမှာ မတ်စ်ဂျဒ်ဟရမ် ပရ၀ုဏ်အတွင်း ပါဝင်သော ဒေသဖြစ်သည်။
တိုက်ခိုက်မှုကို စီစဉ်မည့်သူရှိရာ အဂ်ျယဒ် အလ်-မာဆာဖီရပ်ကွက်မှ ၃ ထပ်ဆောက်အဦးသို့ လုံခြုံရေးတပ်ဖွဲ့များက ၀င်ရောက်စီးနင်းရာတွင် အပြန်အလှန် ပစ်ခတ်မှုများ ဖြစ်ပွားခဲ့ပြီးနောက်ဆုံးတွင် ထိုသူမှာ အသေခံဗုံးဖောက်ခွဲခဲ့သည်။ ပေါက်ကွဲမှုကြောင့် အဆောက်အဦးတစ်ခုလုံး ပြိုကျခဲ့ပြီး နိုင်ငံခြားသား ၆ ဦးနှင့် လုံခြုံရေးတပ်ဖွဲ့ ၅ ဦး ဒဏ်ရာရရှိခဲ့သည်။
စီးနင်းမှုအတွင်း အမျိုးသမီးတစ်ဦးအပါအ၀င် အကြမ်းဖက်ကွန်ယက်မှ လူ ၅ ဦးကို ဖမ်းဆီးရမိခဲ့ကြောင်း၊ စုံစမ်းစစ်ဆေးမှုများကို ပြုလုပ်နေကာ ပြိုကျသွားသည့်နေရာမှ အထောက်အထားများ ရရှိရန် ဆောင်ရွက်နေကြောင်း၊ သေဆုံးသွားသူ မည်သူမည်ဝါဖြစ်သည်ကို ဖော်ထုတ်ရန် ကြိုးစားနေကြောင်း ဆော်ဒီ လုံခြုံရေးဆိုင်ရာ အာဏာပိုင်များက ပြောကြားခဲ့သည်။
ဆော်ဒီမီဒီယာအချို့က သေဆုံးသူမှာ အကြမ်းဖက်ဝါဒဖြင့် အလိုရှိနေသည့် IS အဖွဲ့ဝင်ဖြစ်သည်ဟု ဖော်ပြခဲ့သည်။
ဂျစ်ဒါတွင် အကြမ်းဖက်သားတစ်ဦးကို ဆော်ဒီထောက်လှမ်းရေးက ဖမ်းဆီးနိုင်ခဲ့ပြီး ၎င်းနေထိုင်ရာအိမ်သို့ ၀င်ရောက်ရှာဖွေရာတွင် လက်နက်ခဲယမ်းများကို တွေ့ရှိခဲ့ရသည်ဟု ဆိုသည်။
လုံခြုံရေးတပ်ဖွဲ့များ ၀င်ရောက်စီးနင်းမှုအတွင်း အသေခံဗုံးခွဲခဲ့သည့် အကြမ်းဖက် သံသယရှိသူ
The post မွတ်စလင်တို့ အထွဋ်အမြတ်ထားရာ မက္ကာရှိ မတ်စ်ဂျစ်ဒ်ဟရမ်ဗလီကို IS က ဗုံးခွဲရန် ကြံစည် appeared first on News @ M-Media.
Facebook
Twitter
0 comments:
Note: only a member of this blog may post a comment.