ချယ်ဆီးကွင်းလယ်လူကန်တီ FWA ၏ တစ်နှစ်တာအကောင်းဆုံးဆု ရရှိ

မေ ၈၊ ၂၀၁၇
M-Media



– ချယ်ဆီးအသင်း၏ ကွင်းလယ်လူ အန်ဂိုလို ကန်တီမှာ ဘောလုံးကလောင်ရှင်များအသင်း(FWA) က ရွေးချယ်သော ၂၀၁၇ ခုနှစ် ပရီးမီးယားလိဂ် တစ်နှစ်တာအကောင်းဆုံး ဘောလုံးသမားဆုကို ရရှိခဲ့သည်ဟု သိရသည်။

ပြင်သစ်လက်ရွေးစင် ကန်တီမှာ မဲအရေအတွက် ၃၄၀ ရရှိခဲ့ပြီး အသင်းဖော် အေဒင် ဟဇာ့ဒ်က ဒုတိယ၊ စပါးကွင်းလယ်လူ ဒဲလီအလီက တတိယ အသီးသီး ရရှိခဲ့သည်။

ကန်တီနှင့် ဟဇာ့ဒ်တို့မှာ ကလောင်ရှင်များ၏ မဲအရေအတွက် ၅၆ ရာခိုင်နှုန်းကျော်ကို ရရှိခဲ့ပြီး၊ မဲပေးခံခဲ့ရသည့် ကစားသမားအရေအတွက်မှာ စံချိန်တင် ၁၇ ဦး ရှိခဲ့သည်။

လက်စတာအသင်းမှ ယခုနှစ်ဘောလုံးရာသီအစတွင် ချယ်ဆီးသို့ ကန်ဒေါ်လာ ၃၂ သန်းဖြင့် ပြောင်းရွှေ့လာခဲ့သည့် ကန်တီမှာ အသင်း၏ အမာခံ ကွင်းလယ်ကစားသမား ဖြစ်လာခဲ့သည်။

ချယ်ဆီးမှာ လန်ကျန် ၄ ပွဲတွင် ၂ ပွဲ အနိုင်ရပါက ပရီးမီးယားလိဂ် ချန်ပီယံ ဖြစ်လာမည်ဖြစ်ပြီး မနှစ်က လက်စတာနှင့် ပရီးမီးယားလိဂ်ဖလားကို ဆွတ်ခူးနိုင်ခဲ့သည့် ကန်တီမှာ အသင်း ၂ နှစ်သင်းဖြင့် ပရီးမီးယားလိဂ်ဖလားကို ကိုင်မြှောက်နိုင်သည့် ပထမဆုံးကစားသမား ဖြစ်လာမည်ဖြစ်သည်။

“ဒီဆုကို ရတယ်ဆိုတာ တော်တော်လေး ဂုဏ်ယူစရာ အရာတစ်ခုပါ။ ချယ်ဆီးအသင်းနဲ့ ပရီးမီးယားလိဂ်မှာ ကြီးကျယ်တဲ့ ကစားသမားတွေ အများကြီးရှိတဲ့အထဲ ဘောလုံးကလောင်ရှင်များအသင်းက ကျွန်တော့်ကို တစ်နှစ်တာ အကောင်းဆုံး ဘောလုံးသမားအဖြစ် ရွေးချယ်လိုက်တာဟာ ကျွန်တော့်ရဲ့ ကစားသမားဘ၀မှာ ဂုဏ်ယူစရာ အချိန်တစ်ခု ဖြစ်ပါတယ်” ဟု ကန်တီက ပြောကြားခဲ့သည်။

ကန်တီမှာ ပြီးခဲ့သည့်လကလည်း ပရော်ဖက်ရှင်နယ် ဘောလုံးသမားများအသင်းက ပေးအပ်ခဲ့သည့် တစ်နှစ်တာ အကောင်းဆုံး ကစားသမားဆုကို ရရှိခဲ့သည်။

FWA ၏ တစ်နှစ်တာ အကောင်းဆုံး ဘောလုံးသမားဆုကို လာမည့် မေလ ၁၈ ရက်နေ့တွင် လန်ဒန်မြို့၌ ပေးအပ်ချီးမြှင့်သွားမည်ဖြစ်ပြီး အကြိမ် ၇၀ မြောက် ဆုပေးပွဲအခမ်းအနား ဖြစ်လာမည်ဖြစ်သည်။

Ref: Telegraph

Related Posts

• အာရွန်ရမ်ဆေးကို ၀င်းဂါးက လမ်းပတ်နှင့် ခိုင်းနှိုင်း (Apr 23, 2017)
• ကစားသမားတိုင်းကို ယုံကြည်မှုရှိသည်ဟု ချယ်ဆီးနည်းပြပြော (Apr 23, 2017)
• တယ်ရီမှာ ပရီးမီးယားလိဂ်တွင် အကြီးကျယ်ဆုံးဟု လမ်းပတ်ပြော (Apr 18, 2017)
• ချယ်ဆီးတွင် ကာလရှည်နေသွားရန် ကွန်တီ ဆန္ဒရှိနေ (Apr 16, 2017)
• ထုတ်ပယ်ခံရမှုအတွက် လက်စတာကစားသမားများကို ရာနီယေးရီ အပြစ်မတင် (Apr 11, 2017)
• နံပါတ် ၇ ဂျာစီ ၀တ်ဆင်မှု အကြောင်းအရင်းကို ရော်နယ်ဒိုဖွင့်ဟ (Apr 4, 2017)
• ခေတ်သစ်လူငယ်ကစားသမားများမှာ ကလေးဆိုးများဖြစ်သည်ဟု မော်ရင်ဟို ဝေဖန် (Mar 22, 2017)
• ပီအက်စ်ဂျီနှင့် ဆက်သွယ်နေသည်ဆိုသည့် သတင်းကို ၀င်းဂါး ငြင်းဆို (Mar 21, 2017)
• မန်ယူသို့ ဖာဂူဆန်ပြန်လာမည် (Mar 20, 2017)
• မန်စီးတီးတွင် ဂွါဒီယိုလာမှာ လူစာရင်းပြဿနာ ရင်ဆိုင်နေရဟု ကလော့ပ်ပြော (Mar 18, 2017)

The post ချယ်ဆီးကွင်းလယ်လူကန်တီ FWA ၏ တစ်နှစ်တာအကောင်းဆုံးဆု ရရှိ appeared first on News @ M-Media.