ဧရာဝတီတိုင်းဒေသကြီးတွင် သိမ်းဆည်းခံလယ်ယာ ဧက ၆၀၀၀ ကျော် ပြန်ပေး

ဇွန် ၂၉၊ ၂၀၁၆
M-Media



– သိမ်းဆည်းထားသော လယ်ယာမြေများ ပြန်လည်ပေးအပ်နိုင်ရေးအတွက် ဒုတိယသမ္မတ ဦးဟင်နရီ ဗန်ထီးယူ ကြီးကြပ် ဆောင်ရွက်သော ရှေ့ပြေး စီမံကိန်းတွင် ဧရာဝတီတိုင်းဒေသကြီး၌ မြေဧကပေါင်း ၆၀၀၀ ကျော်ကို ပြန်လည် ပေးအပ်နိုင်ခဲ့သည်ဟု သိရသည်။

ဇွန်လ ၂၅ ရက်နေ့က ပြုလုပ်ခဲ့သည့် ပြန်လည်ပေးအပ်ပွဲ အခမ်းအနားတွင် စက်မှုလက်မှုဝန်ကြီးဌာနမှာ ဖျာပုံမြို့တွင် လယ်မြေ ၃၁၆၈ ဧကကို လယ်သမား ၇၂ ဦးထံသို့လည်းကောင်း၊ ယခင်အာဏာရ ကြံ့ခိုင်ရေးပါတီမှ အမတ်တစ်ဦးဖြစ်သူ ဦးဌေးမြင့်ပိုင်ဆိုင်သော ယုဇနကုမ္ပဏီက ပန်းတနော်မြို့နယ်တွင် လယ်မြေ ၃၂၆၆ ဧကကို လယ်သမား ၂၅၂ ဦးထံသို့ လည်းကောင်း အသီးသီး ပေးအပ်နိုင်ခဲ့သည်။

အဆိုပါ လယ်ယာမြေများမှာ ၁၉၈၀ ပြည့်နှစ်များက သိမ်းဆည်းခံခဲ့ရသည့် လယ်ယာမြေများဖြစ်သည်။

ပြန်လည်ပေးအပ်ခဲ့သည့် လယ်ယာမြေများကို ယာယီပိုင်ဆိုင်ခွင့်နှင့် စီးပွားရေးရည်ရွယ်ချက်အတွက် အသုံးချနိုင်ခွင့် ရရှိရန်အတွက် အစိုးရမှာ လယ်သမားတစ်ဦးချင်းစီကို ပုံစံ ၃ ထုတ်ပေးထားသည်ဟု ဧရာဝတီတိုင်းဒေသကြီး လွှတ်တော်ဥက္ကဌ ဦးအောင်ကျော်ခိုင်က ပြောကြားခဲ့သည်။ အကယ်၍ လယ်သမားများမှာ အစိုးရနှင့် အငြင်းပွားဖွယ်ပြဿနာများ မရှိပါက မိမိတို့အနေဖြင့် ထိုမြေယာများကို ရောင်းချနိုင်ခွင့်ရှိမည့် ပုံစံ ၇ ကို ထုတ်ပေးသွားမည်ဟု ၎င်းက ထပ်လောင်း ပြောဆိုခဲ့သည်။

“သိမ်းဆည်းခံ လယ်ယာမြေများနှင့် အခြားမြေယာများဆိုင်ရာ ကော်မတီကလည်း မြေယာတွေကို သုံးသပ်မှုတွေပြုလုပ်နေပြီး ဒါဟာ အစိုးရသစ်လက်ထက်မှာ သိမ်းဆည်းခံမြေယာတွေကို ပိုင်ရှင်တွေထံ ပထမဆုံး ပြန်ပေးတာဖြစ်ပါတယ်။ နောက်ထပ်ပြန်ပေးဖို့အစီအစဉ် ရှိနေပေမယ့် လက်ရှိမှာတော့ တိုင်းဒေသကြီးအစိုးရအဖွဲ့က သုံးသပ်နေဆဲ ဖြစ်ပါတယ်”

အဆိုပါ ကော်မတီကို ဒုတိယသမ္မတ ဦးဟင်နရီဗန်ထီးယူက ဥက္ကဌအဖြစ်တာဝန်ယူထားပြီး အစိုးအနေဖြင့် သိမ်းဆည်းခံ လယ်ယာမြေများကို လယ်သမားများအား ပြန်လည်ပေးအပ်ရာတွင် ပွင့်လင်းမြင်သာမှုရှိစေရန် စနစ်တကျ ဆောင်ရွက်နေသည်ဟု ဦးဆောင်ကျော်ခိုင်က ထည့်သွင်းပြောဆိုခဲ့သည်။

Ref: mmtimes