ထိုင်းကမ်းခြေတွင် ဗြိတိန် စုံတွဲ အား သတ်ခဲ့သည်ဟု မြန်မာ အလုပ်သမားတစ်ဦး ၀န်ခံ

အောက်တိုဘာ ၂ ၊ ၂၀၁၄
M-Media

- ထိုင်းနိုင်ငံ ကမ်းခြေတစ်ခုတွင် ဗြိတိန်စုံတွဲအား သတ်ဖြတ်ခဲ့ကြောင်း သံသယရှိနေသည့် မြန်မာအလုပ်သမား ၃ ဦးထဲမှ တစ်ဦးမှာ သတ်ဖြတ်ကြောင်း ၀န်ခံလိုက်သည်ဟု ထိုင်းရဲတပ်ဖွဲ့က အောက်တိုဘာ ၂ ရက်နေ့တွင် သတင်းထုတ်ပြန်ခဲ့သည်။

ဆိုးရွားပြင်းထန်သည့် ဒဏ်ရာများဖြင့် သေဆုံးနေသည့် ဗြိတိန်နိုင်ငံသား အသက် ၂၄ နှစ်အရွယ် ဒေးဗစ်မီလာနှင့် ၂၃ နှစ်အရွယ် ဟန်နာ ၀ှိုက်ရစ်ခ်ျတို့၏ ရုပ်အလောင်းများကို စက်တင်ဘာ ၁၅ ရက်နေ့တွင် ထိုင်းနိုင်ငံတောင်ဘက် ခိုတာအို ကျွန်းရှိ ၎င်းတို့နေထိုင်ရာ နေရာအနီးအနားတွင် တွေ့ရှိခဲ့ရခြင်းဖြစ်သည်။

ထိုကျွန်းမှာ မြန်မာရွှေ့ပြောင်းအလုပ်သမားအများအပြား နေထိုင်ရာ နေရာလည်းဖြစ်သည်။

“စုံစမ်းစစ်ဆေးမှုဟာ တော်တော်လေးတိုးတက်နေပါတယ်။ မြန်မာအလုပ်သမား ၃ ယောက်ကို ထိန်းသိမ်းထားပြီး သူတို့ရဲ့ DNA ကို ယူပြီး စစ်ဆေးနေပါတယ်။ အဲဒီလို စစ်ဆေးနေစဉ်မှာ သူတို့ ၃ ယောက်ထဲက တစ်ယောက်က ဒီနိုင်ငံခြားသားနှစ်ယောက်ကို သတ်တယ်လို့ ၀န်ခံခဲ့ပါတယ်” ဟု လက်ထောက် ရဲတပ်ဖွဲ့အကြီးအကဲ ဗိုလ်ကြီး ဂျက်တစ် ချိုင်ဂျင်ဒါက Reuters သတင်းဌာသို့ပြောကြားခဲ့သည်။

ထိုကဲ့သို့ သတ်ဖြတ်ခြင်းက ခရီးသွားများအား ကြောက်ရွံ့မှုများဖြစ်ပေါ်စေလိမ့်မည်ဟု ထိုင်းအစိုးရ တာဝန်ရှိသူများက သတိပေးခဲ့ပြီး လျင်မြန်စွာဖော်ထုတ်ရန်လည်း တိုက်တွန်းခဲ့သည်။

ထိုင်းနိုင်ငံတွင် ခရီးသွားလုပ်ငန်းမှာ နိုင်ငံစီးပွားရေး၏ ၁၀ ရာခိုင်နှုန်းရှိပြီး အာဏာသိမ်းမှုဖြစ်ပွားစေခဲ့သည့် ဘန်ကောက်မြို့ဆန္ဒပြပွဲပြီးနောက် ပုံမှန်အခြေအနေကို ပြန်လည် ရောက်ရှိခြင်း မရှိသေးပေ။

ဂျက်ကစ်ကမူ လူသတ်မှုကျူးလွန်သည်ဟု ထွက်ဆိုသူအား ထိန်းသိမ်းထားဆဲဖြစ်ပြီး မဖမ်းဆီးရသေးကြောင်း၊ နောက်ထပ် ၁၄ နာရီ ကြာမြင့်ဖွယ်ရှိသည့် DNA စမ်းသပ်မှု အဖြေထွက်လာမှ ကျန်ရှိသည့် ကိစ္စများကို ဆောင်ရွက်သွားမည်ဖြစ်ကြောင်း ထည့်သွင်းပြောကြားခဲ့သည်။

ref_ REUTERS