မွတ်စလင်အမျိုးသမီးများကို အတိဒုက္ခရောက်စေသည့် ကွာရှင်းမှုဓလေ့တစ်ခုကို အိန္ဒိယ ပယ်ဖျက်

သြဂုတ် ၂၂၊ ၂၀၁၇
M-Media
ဘာသာပြန် – ရဲသူရိန်၊ လေးမောင်



– မွတ်စလင်အမျိုးသမီးတွေကို ထိခိုက်နစ်နာစေတဲ့ ကွာရှင်းမှုဓလေ့ထုံးတမ်းတစ်ခု ကျင့်သုံးနေတာကို အိန္ဒိယ တရားရုံးချုပ်က မနေ့မှာ တားမြစ်ပိတ်ပင်လိုက်ပါတယ်။

‘သုံးသွလားက်’ လို့ခေါ်တဲ့ အဲဒီထုံးတမ်းဓလေ့နဲ့ပတ်သက်ပြီး တရားသူကြီး ၅ ဦးက ဆုံးဖြတ်ရာမှာ အဲဒီဓလေ့ဟာ အခြေခံဥပေဒက အမျိုးသမီးတွေကို အပ်နှင်းထားတဲ့ အခွင့်အရေးကို ချိုးဖောက်တယ်ဆိုပြီး တရားသူကြီး ၃ ဦးက ပိတ်ပင်ဖို့ ဆုံးဖြတ်ခဲ့တာ ဖြစ်ပါတယ်။

အစ္စလာမ့်ဥပဒေ ခေါင်းစဉ်အောက်မှာ ကျင့်သုံးနေတဲ့ အဲဒီ ‘သုံးသွလားက်’ ဟာ အမျိုးသားတစ်ယောက်က သူ့ရဲ့ဇနီးကို ‘ကွာရှင်းတယ်’ လို့ ၃ ကြိမ်ပြောဆိုလိုက်တာနဲ့ ကွာရှင်းမှုဟာ အထမြောက်သွားပြီး ပြန်လည်ပေါင်းထုပ်လို့ မရတော့တဲ့ ဓလေ့မျိုးဖြစ်ပါတယ်။

ဆိုရှယ်မီဒီယာတွေ တွင်ကျယ်လာတဲ့ အခုအချိန်မှာ အမျိုးသားတွေဟာ Skype နဲ့ WhatsApp တွေလို ဆော့ဖ်ဝဲတွေကို အသုံးပြုပြီး အမျိုးသမီးတွေကို တစ်ဖက်သက်ကွာရှင်းမှု ဖြစ်လာတာကနေ ဒီဓလေ့ကို ပိတ်ပင်ဖို့ တက်ကြွလှုပ်ရှားသူတွေရဲ့ တောင်းဆိုမှု ပေါ်ထွက်လာတာပါ။

မွတ်စလင်အမျိုးသမီးအရေး တက်ကြွလှုပ်ရှားသူတွေကတော့ ဒီဓလေ့ဟာ အစ္စလာမ့်စည်းမျဉ်းစည်းကမ်းတွေနဲ့ ဆန့်ကျင်တဲ့ ရပ်ရွာဓလေ့သာဖြစ်တယ်လို့ ပြောဆိုပြီး ပိတ်ပင်ဖို့ တောင်းဆိုခဲ့ကြပါတယ်။

အိန္ဒိယက နာမည်ကျော် အစ္စလာမ့်ဓမ္မတက္ကသိုလ်ဖြစ်တဲ့ ‘ဒီယိုဘန် ဒါ-ရွလ်-အွလ်လွမ်’ က ထိပ်တန်း အစ္စလာမ့်ဓမ္မပညာရှင်တွေကလည်း ဒီဓလေ့ကို တားမြစ်ပိတ်ပင်တဲ့အချက်ကို လက်ထပ်စာချုပ်မှာ ထည့်သွင်းဖို့ အခုနှစ်အစောပိုင်းမှာ တိုက်တွန်းခဲ့ပါတယ်။

တရားရုံးချုပ်ရဲ့ အခုလို ဆုံးဖြတ်မှုအတွက် တက်ကြွလှုပ်ရှားသူတွေက သြဘာပေးခဲ့ကြပါတယ်။

“ကျွန်မတို့အတွက် တော်တော်ပျော်ရွှင်ရတဲ့နေ့ပါ။ သမိုင်းဝင်နေ့လည်း ဖြစ်ပါတယ်။ ကျွန်မတို့ မွတ်စလင်အမျိုးသမီးတွေဟာ တရားရုံးနဲ့ တရားစီရင်မှုကနေ တရားမျှတမှုကို အပ်နှင်းခံခဲ့ရပါပြီ” လို့ Indian Muslim Women’s Movement အဖွဲ့ကို ပူးတွဲတည်ထောင်ထူ ဇာကီယာ ဆိုမန်က ပြောကြားခဲ့ပါတယ်။

ဒီအဖွဲ့ဟာ ‘သုံးသွလားက်’ ဓလေ့ ပယ်ဖျက်ရေးအတွက် တရားဥပဒေကြောင်းအရ ကြိုးပမ်းမှုမှာ ပါဝင်ခဲ့တဲ့အဖွဲ့ပါ။

၂၀၁၅ ခုနှစ် ဖေဖော်ဝါရီလမှာ တရားရုံးချုပ်က ဒီဓလေ့ဟာ အခြေခံဥပဒေမညီညွတ်ဘူးလို့ ဆုံးဖြတ်ခဲ့ဖူးပါတယ်။ Bharatiya Muslim Mahila Andola (BMMA) ဆိုတဲ့ မွတ်စလင်အဖွဲ့အစည်းတစ်ခုက ဒီဓလေ့ကို ပိတ်ပင်ဖို့အတွက် လွန်ခဲ့တဲ့ ၂ နှစ်လောက်ကတည်းက ကြိုးစားခဲ့တာဖြစ်ပါတယ်။

‘သုံးသွလားက်’ ကို ဒီယိုဘန်ကလည်း လက်မခံ

ကိုင်ရိုက အလ်-အဇ်-ဟာရ် တက္ကသိုလ်ပြီးတဲ့နောက် အစ္စလာမ့်ဓမ္မရေးရာနယ်ပယ်မှာ ဂုဏ်သိက္ခာအရှိဆုံး ကျောင်းအဖြစ် သတ်မှတ်ထားတဲ့ အိန္ဒိယအခြေစိုက် ‘ဒီယိုဘန်- ဒါရွလ် အွလ်လွမ်’ တက္ကသိုလ်က ဒီဓလေ့ထုံးတမ်းကို တားဖြစ်ဖို့ တိုက်တွန်းတဲ့ ဖသ်ဝါဓမ္မသတ်တစ်ခုကို မတ်လ ၃၀ ရက်နေ့မှာ ထုတ်ပြန်ခဲ့ပါတယ်။

မွဖ်သီ ဟာဘီဘွလ် ရဟ်မန် အပါအ၀င် ဒီယိုဘန်က နာမည်ကျော် ဆရာခုနစ်ပါးက ထုတ်ပြန်တဲ့ အဲဒီဓမ္မသတ်မှာ ‘အမျိုးသမီးတွေကို နှုတ်နဲ့ တစ်ကြိမ်တည်း သုံးသွလားက် မပေးရဆိုတဲ့ အချက်တစ်ခုကို လက်ထပ်စာချုပ်မှာ ထည့်သွင်းခြင်းဟာ သင့်တော်ပြီး’ တကယ်လို့ ဒီလို ‘သုံးသွလားက်ပေးခဲ့ရင်လည်း ဒါဟာ သွလားက်တစ်ကြိမ်သာ မှတ်ယူရမှာဖြစ်ပါတယ်’ လို့ ရေးသားထားပါတယ်။

နောက်ပြီး ဒီအချက်ကို ချိုးဖောက်ရင် လက်ရှိ ဒဏ်ငွေ ရူပီး ၅ သောင်းကို ၁၀ ဆ မြှောက်ကာ ၅ သိန်းအထိ သတ်မှတ်သင့်တယ်လို့လည်း ဓမ္မသတ်က ဆိုပါတယ်။

ဒီဓမ္မသတ်ဟာ National Commisison for Minority Educational Institutions ရဲ့ ဥက္ကဌဟောင်းဖြစ်တဲ့ တရားသူကြီး ဆိုဟေးလ် အိုက်ဂျက်ဇ် ဆီဒစ်ရဲ့ အသေးစိတ် စစ်တမ်းကောက်ယူမှုကို အခြေခံပြီး ပေါ်ထွက်လာတာဖြစ်ပါတယ်။

“တစ်ပြိုင်တည်း သုံးသွာလက် ပေးခြင်းဟာ ရှိုင်တန်မိစ္ဆာကောင်ရဲ့ အကျင့်ဆိုး တစ်ခုဖြစ်တယ်ဆိုတာ လူထုက သဘောပေါက်ဖို့ အရေးကြီးပြီး၊ ဒါမျိုးကို ဆက်ပြီး ခွင့်ပြုလို့ မရတော့ပါဘူး။ လူထုကိုယ်တိုင်က ပြုပြင်ပြောင်းလဲလိုတဲ့စိတ်၊ ပြုပြင်ပြောင်းလဲနိုင်တဲ့ လုပ်ရပ်တွေရှိလာမှ ဘာသာရေးဓလေ့ထုံးတမ်းတွေမှာ တရားရုံးနဲ့ နိုင်ငံတော်အစိုးရက ၀င်ရောက်စွက်ဖက်စရာမလိုဘူးဆိုတဲ့ ဘုတ်အဖွဲ့ရဲ့ တားမြစ်မှုက အရာရောက်မှာပါ” လို့ ဆိုဟေးလ်က ပြောကြားခဲ့ပါတယ်။

တရားသူကြီး ဆိုဟေးလ်ဟာ ‘ဂျမီအသ် အိုလမာအေ ဟင်ဒ်’ အဖွဲ့က မောင်လာနာ အရ်ရှက်ဒ် မဒ်နီနဲ့ မတ်လအတွင်းမှာ တွေ့ဆုံခဲ့ပြီး တရားရုံးချုပ်က မစီရင်ခင် ဒီကိစ္စနဲ့ပတ်သက်ပြီး ဆောင်ရွက်ပေးဖို့ တိုက်တွန်းခဲ့ပါတယ်။

ဒီယိုဘန် ဒါ-ရွလ်-အွလ်လွမ်က ရင်းမြစ်တွေက ဆရာ ၇ ပါးရဲ့ ဓမ္မသတ်ကို ဂရုတစ်စိုက်နဲ့ ဖတ်ရှုကာ၊ မျှမျှတတ သုံးသပ်ရမှာဖြစ်တယ်လို့ ဆိုပါတယ်။

ဒီဓမ္မသတ်ဟာ အစ္စလာမ့်ဥပဒေအရ ရှုထောင့်တစ်ခုသာဖြစ်ပြီး နိုင်ငံမှာ တရားဝင်ပြဌာန်းနိုင်တဲ့ ဥပဒေတစ်ရပ် မဟုတ်ပါဘူး။ ဒီယိုဘန် ဒါ-ရွလ်-အွလ်လွမ် တက္ကသိုလ်ဟာ မှန်ကန်ပြီး၊ သင့်လျော်တဲ့ ဓမ္မသတ်တွေကို ထုတ်ပြန်တဲ့ ဌာနတစ်ခုဖြစ် ဂုဏ်သတင်းကျော်စောပါတယ်။

ဒီယိုဘန် ဒါ-ရွလ်-အွလ်လွမ်ရဲ့ ဓမ္မသတ်ထုတ်ပြန်ရာ ဌာနခွဲဖြစ်တဲ့ ‘ဒါရွတ်အစ်ဖ်သာ’ က စောစောပိုင်းမှာ ထုတ်ပြန်တဲ့ ဓမ္မသတ်တွေမှလည်း ဒီ ‘သုံးသွလားက်’ ဓလေ့ ကျင့်သုံးနေတာကို မနှစ်မြို့တဲ့ သဘောထားတွေကို တွေ့ခဲ့ရပါတယ်။

Ref: Aljazeera, India Express

Related Posts

• အမျိုးသမီးကာသွီများ ပေါ်ပေါက်လာရေး အိန္ဒိယမွတ်စလင်အမျိုးသမီးအဖွဲ့ ကြိုးပမ်း (Mar 10, 2017)
• အိန္ဒိယမွတ်စလင်လုပ်ငန်းရှင်တစ်ဦး အမိမြေတွင် ခေါင်းဆောင်ကောင်းများထွက်ပေါ်လာရေး ကြိုးပမ်း (Mar 7, 2017)
• ဟိန္ဒူဘာသာဝင်မှသည် အစ္စလာမ့် ထိပ်တန်း ဓမ္မပညာရှင် ဖြစ်လာခဲ့သည့် ဒီယာ အွရ်-ရဟ်မန် (Mar 4, 2017)
• အိန္ဒိယ၏ အအောင်မြင်ဆုံး မွတ်စလင်တင်းနစ်မယ်နှင့် တွေ့ဆုံခြင်း (Feb 28, 2017)
• မွတ်စလင်အမျိုးသမီးများ ၀တ်ပြုရာတွင် စောင့်ရှောက်ပေးရန် အိန္ဒိယတရားရုံး ညွှန်ကြား (Jan 20, 2017)
• အိန္ဒိယမွတ်စလင် ဂီတပညာရှင်တစ်ဦး အော်စကာဆု ထပ်ရရန် နီးစပ်နေ (Dec 15, 2016)
• အစ္စလာမ့်နည်းကျဘဏ်လုပ်ငန်း အိန္ဒိယတွင် စတင်မိတ်ဆက်မည် (Nov 21, 2016)
• အိန္ဒိယမွတ်စလင်အမျိုးသမီးငယ် ကမ္ဘာ့ကစ်ဘောက်ဆာပြိုင်ပွဲတွင် နိုင်ငံ့ဂုဏ်ဆောင် (Nov 12, 2016)
• အိန္ဒိယနာမည်ကြီးဗလီတွင် အမျိုးသမီးဝင်ရောက်ခွင့် ပိတ်ပင်မှုကို ဖျက်သိမ်းမည် (Oct 24, 2016)
• အိန္ဒိယမွတ်စလင် ဗိုလ်ချုပ်ကြီးတစ်ဦး အရေးပါသည့် စစ်ဌာနချုပ်တွင် တပ်မမှူးအဖြစ် ခန့်အပ်ခံရ (Sep 26, 2016)

The post မွတ်စလင်အမျိုးသမီးများကို အတိဒုက္ခရောက်စေသည့် ကွာရှင်းမှုဓလေ့တစ်ခုကို အိန္ဒိယ ပယ်ဖျက် appeared first on News @ M-Media.