လွေ့လွေ့ရမ်းရမ်း လှူဒါန်းသည့်ပုဂ္ဂိုလ် ဟာဂျီဦးဘအို

'ကျွန်တော်မျိုးသည် ကုရုရ်အ်အာန်တ်တဖ်စ်စီရီရ် ဒေသနာကို မြန်မာဘာသာပြန်ဆိုရာ၌ စရိတ်ကြေးငွေကုန်ကျမည်ကို မထောက်၊ ခဲယဉ်းစွာ တစ်ဆင့်မှတစ်ဆင့် အခွင့်ရှိသမျှ လွှဲပြောင်း၊ ကောင်းသည်ထက်ကောင်းအောင်ရေးသားပြုပြင်  စက်တင်ပုံနှိပ်ရိုက်ရာ' ဟု ဆုတောင်းနိဂုံးတွင် ဖော်ပြပါရှိသည့်အတိုင်း ဦးဘအိုသည် ကုရ်အာန် မြန်မာဘာသာပြန်လုပ်ငန်းကြီးကို စေတနာထက်သန်စွာ ပံ့ပိုးခဲ့သူဖြစ်သည်။ လုံ့လကြီးစွာ၊ အားသည်းစွာ နှစ်ရှည်လများ အချိန်ယူဆောင်ရွက်ခဲ့သူဖြစ်သည်။ ကုရ်အာန်မြန်မာပြန် ဂန္ထ၀င်သမိုင်းအတွက် အရေးပါလှသော ပုဂ္ဂိုလ်ကြီးဖြစ်သည် ။

ဦးဘအိုသည် အမတ်ကြီး န၀ဗ်ရဟင်ဘခ် နှင့် ရွှေကျင်သူ ဒေါ်စာအု တတိယမြောက် သားရတနာဖြစ်သည။် ၁၂၃၄ (၁၈၇၂) ခုနှစ်တွင် တောင်မြို့၌ ဖွားမြင်သည။် သာသနာဘွဲ့ မှာ အဟမဒွလွလ္လာ ဖြစ်သည်။

ဖခင်ကြီးသည် ၁၈၈၆ ခုနှစ်တွင် မြန်မာနိုင်ငံသို့ အပို့ခံရသည့် အိန္ဒိယနိုင်ငံ ဒေလီပြည့်ရှင် ဧကရာဇ်ဘုရင်ကြီး ဇဖရ်ရှားနှင့်အတူ ပါရှိလာသည့် အမတ်ကြီးတစ်ဦးဖြစ်သည်။ အမတ်ကြီးသည် မြန်မာနိုင်ငံ တောင်ငူမြို့တွင် အစိုးရအ၀ယ်တော်အဖြစ် အမှုထမ်းသည်။ သားသမီးများ အရွယ်ရောက်စချိန်တွင် ကွယ်လွန်ခဲ့သည်။ ဦးဘအို၏ မိခင်ကြီး ဒေါ်စာအုမှာ လည်း သားသမီးများ အသက်အတန်ရမှ ကွယ်လွန်သွားခဲ့သည်။ ဦးဘအိုသည် အင်္ဂလိပ်စကား၊ မြန်မာစကားတို့ကို ကောင်းမွန်စွာ တတ်ကျွမ်းသည်။ မူလက အစိုးရ၀န်ထမ်းလုပ်ပြီး နောက်ပိုင်းတွင် ဘုံဘေ ဘားမားသစ်ကုမ္ပဏီ၌ စာရေးအဖြစ် အမှုထမ်းသည်။ အလုပ်၌ ရိုးသား ကြိုးစားသဖြင့် သစ်တောဘက်ကိုယ်စားလှယ်နှင့် သစ်တောအ၀ယ်တော် အဖြစ် ရာထူးတိုးမြှင့် တာဝန်ပေးခြင်းခံရသည်။ ထိုအချိန်မှစပြီး ဦးဘအိုသည် တဖြည်းဖြည်း တိုးတက်ကြီးပွားချမ်းသာလာသည်။

တောကျွဲအင်း၊ ကညွတ်ကွင်း၊ ပဲနွယ်ကုန်း၊ တောင်ငူ၊ ပျဉ်းမနား၊ အေလာ၊ တောင်တွင်းကြီးနှင့် ပခုက္ကူနယ်များ၌ လည်းကောင်း၊ အင်းစိန်နယ်၊ လှိုင်ရိုးမရှိ သစ်တောများ၌လည်းကောင်း သစ်စက်များ တည်ထောင်ခဲ့သည်။

အေလာနယ်တစ်ကျော၌ ကိုယ်ပိုင်မီးရထားလမ်း၊ မိုင် ၆၀ ကျော် ဖောက်လုပ်သည်။ ကိုယ်ပိုင်ဆင်ပေါင်းများစွာရှိသည်။ ဦးဘအိုသည် စနစ်တကျ ရင်းနှီးမြှုပ်နှံပြီး ကျွန်း၊ ပျဉ်းကတိုးသစ်များ ထုတ်လုပ်ရောင်းချခဲ့ရာ မြန်မာပိုင်သစ်ကုမ္ပဏီများတွင် အထင်ရှားဆုံးဖြစ်လာသည်။ ဖောင်တော်သီ၊ ဒိုက်ဦး၊ တော်ဝိ၊ ပဲနွယ်ကုန်းစသည့်မြို့နယ်များ၌ လယ်ဧကပေါင်းများစွာ ပိုင်ဆိုင်သည်။ ဦးဘအိုသည် အောက်သက်ကျေသူဖြစ်သဖြင့် ကြွယ်ဝ ချမ်းသာလာသော်လည်း သူဌေးဟူ၍ မာနမထား၊ မောက်မောက်မာမာမရှိ စေတနာထားသည်။ လူတန်းစားမခွဲ၊ ညှာတာသနားသည်။ စာနာထောက်ထားသည်။ ဆင်ဦးစီးပဲ့ထိန်း၊ သစ်ခုတ်၊ သစ်ဆွဲ၊ ဖောင်စီးစသည့် အလုပ်သမားများကို လုပ်ဖော်ကိုင်ဖက်အဖြစ် သဘောထားသည်။ ညှိညှိနှိုင်းနှိုင်း၊ တိုင်တိုင်ပင်ပင် ဆောင်ရွက်သည်။ ကြီးနိုင်ငယ်ညှဉ်းမှုကို မကြိုက်၊ နစ်နာမှု၊ဆုံးရှုံးမှုများကို တိုက်ရိုက်တင်ပြ တောင်းဆိုခွင့်ပြုသည်။ အရည်အချင်း အလိုက် ခံစားခွင့်အပြည့်ပေးသည်။ ချီးမြှင့်ထိုက်သူကို ချီးမြှင့်သည်။

သူဌေးကြီးသည် ရန်ကုန်တက္ကသိုလ်၊ စိန့်ပေါကျောင်း၊ ကန်တော်ကြီး မွတ်စလင်မ် အထက်တန်းကျောင်း၊ ဘိုင်မြား အထက်တန်းကျောင်း၊ မော်လမြိုင်မွတ်စလင်မ်ကျောင်း၊ သူနာပြုဆေးရုံ၊ သားဖွားရုံ၊ အရေပြားရောဂါကုဆေးရုံ၊   လေလွင့်ကလေးများဂေဟာ၊(The home for Warfs and Strays) အိုရီယင့်ကလပ်နှင့်ဇရပ်၊ တန်ဆောင်း၊ ကန်၊ ကျောင်း၊ ဗလီ၊ ရေတွင်း၊ ရေကန် ကဗရ်စတန်သုဿာန် စသည်တို့အတွက် စေတနာသဒ္ဓါထက်သန်စွာ လှူဒါန်းသည်။

ထိုမျှမက မြန်မာနိုင်ငံတစ်ဝှန်းလုံးရှိ (မဒရ်ဆာ) ဘာသာရေး စာသင်ကျောင်းများ၊ (ဗလီ)၀တ်ကျောင်းများ (မူဆာဖိရ်ခါနာ) အာဂန္တုတည်းခိုဆောင်များ၊ (ယတိမ်ခါနာ) မိဘမဲ့ကဂေဟာများအတွက်လည်း ငွေကြေးအမြောက်အမြား ပါဝင်လှူဒါန်းသည်။

ရန်ကုန်မန္တလေး မီးရထားလမ်းတစ်လျှောက်၌ ဗုဒ္ဓဘာသာနှင့် သက်ဆိုင်ရာ ဇရပ်တန်ဆောင်း ကျောင်းကန်များ အများအပြား  ဆောက်လုပ် လှူဒါန်းခဲ့သည်။ ကြည့်မြင်တိုင်မီးရထားလမ်းအရှေ့ဘက် ဝေဠုဝန်ကျောင်းတိုက်၊ မဟာရံအုတ်တံတိုင်းကြီးလေးမျက်နှာနှင့် တိုက်ကုဋီများဆောက်လုပ်လှူဒါန်းခဲ့သည်။ သံဃာတော်များကို အမြဲပင့်ဖိတ်၍ ပစ္စည်းလေးပါး လှူဒါန်းခဲ့သည်။ ကျောင်းနေသံဃာတော်များမြို့တွင်းသို့ ချမ်းသာစွာ ဆွမ်းခံကြွနိုင်ရန် ဓာတ်ရထားကုမ္ပဏီမှ ဓာတ်ရထားစင်းလုံးငှား၍နေ့စဉ် လှူဒါန်းခဲ့သည်။

နိုင်ငံကျော် မိုးညှင်းတောရဆရာတော်ဘုရားကြီးနှင့် သက်ဆိုင်သမျှကို ပကာသနမပါဘဲ များစွာပါဝင်လှူဒါန်းခဲ့သည်။ မိုးညှင်းယောဂီအ၀တ်များ အမြောက်အမြားကိုလည်း လှူဒါန်းခဲ့သည်။ အလားတူပင် ခရစ်ယာန်ဘာသာဝင်များ အတွက်လည်း အိန္ဒိယပြည် ဒေလီမြို့ရှိ ခရစ်ယာန်ဘုရားကျောင်းကြီးမှာ ခေါင်းလောင်းကြီးတစ်ခု လှူဒါန်းထားသည်မှာ ယနေ့တိုင် ရှိနေသေးသည်ဟု သိရသည်။

သူဌေးကြီးသည် ဘာသာရေးအယူမသီး၊ မျိုးချစ်စိတ်ထက်သန်သည်။ အမျိုးဘာသာသာသနာအတွက် အားတက်သရော လှူဒါန်းခဲ့သည်များမှာ အံ့မခန်းဖွယ်ဖြစ်သည်။ အားကျအတုယူဖွယ်ဖြစ်သည်။ သူဌေးကြီး၏အလှူများတွင် အကြီးကျယ် အမြင့်မြတ်ဆုံး တိုင်းရင်းမွတ်စလင်မ်တို့ ဂုဏ်အယူရဆုံးကား သူဌေးကြီး၏ ဓမ္မဒါန အလှူတော်ကြီးဖြစ်သည်။ သူဌေးကြီးသည် တိုင်းရင်းသားမွတ်စလင်မ်များအတွက် ကျမ်းတော်မြတ်ကုရ်အာန် အစောင် ၃၀ လုံးကို ပထမဦးဆုံး မြန်မာပြန်ဆိုစေခဲ့သည်။  အစ္စလာမ့် ဂန္တ၀င်တွင် စံတင်ဖွယ်လုပ်ငန်းကြီး ဖြစ်သည်။

သူဌေးကြီး၏စေတနာကို အကောင်အထည်ဖော်သူ တစ်နည်းအားဖြင့် တာဝန်ယူဘာသာပြန်ဆောင်ရွက်သူ ပညာရှင်ကြီးမှာ မန္တလေးမြို့ ရွှေဘုန်းရှိန်ရပ်၊ ရှမ်းစုစာတိုက်အနီးနေ ပညာရှင် ဟာဂျီနူရူရွတ်ဒင် ခေါ်ဟာဂျီလူ ဖြစ်ပါသည်။ မြန်မာ၊ အင်္ဂလိပ်၊ အူရဒူသုံးဘာသာ တတ်ကျွမ်းသော ရန်ကုန်မြို့၊ ၃၅လမ်း၊ တိုက်နံပါတ် ၅၄ နေ ဂျော့ဂေါဒင်တိုက် သူဌေးကြီး၏ကိုယ်စားလှယ် ပညာရှိ မိုဟမ္မဒ်ကာစင်နှင့် ဟံသာဝတီ ပုံနှိပ်တိုက် ဆရာတိုင်းတို့က ပုံနှိပ်လုပ်ဆောင်ရန် ကြီးကြပ်ပြင်ဆင်ပေးကြသည်။ ကြီးကျယ်ြ့မင့်မြတ်လှသော ကုရ်အာန်မြန်မာပြန်လုပ်ငန်းကြီးကို၁၉၁၁ ခုတွင် စတင်ခဲ့သည်။

ဘာသာပြန်အစအဆုံး ပြီးမြောက်ခြင်း ဆုတောင်းနိဂုံး

၁၉၁၁ ခုတွင် (ပထမစေပါရာ)အစောင် ၁         = ၁ စောင်

၁၉၁၂ ခုတွင် အစောင် ၂ နှင့် ၃                     = ၂ စောင်

၁၉၁၃ ခုတွင် အစောင် ၄ နှင့် ၅                     = ၂ စောင်

၁၉၁၄ ခုတွင် အစောင် ၆ နှင့် ၇                     = ၂ စောင်

၁၉၁၅ ခုတွင် အစောင် ၈ မှ ၁၀                     = ၃ စောင်

၁၉၁၆ ခုတွင် အစောင် ၁၁ မှ ၁၈                   = ၈ စောင်

၁၉၁၇ ခုတွင် အစောင် ၁၉ မှ ၂၇                   = ၉ စောင်

၁၉၁၈ ခုတွင် အစောင် ၂၈ မှ ၃၀                   = ၃ စောင်

အစောင် ၁ ပထမစေပါရာ (အလိဖ်လာမ်မြိမ်ဂျွဇ်)မှ အစောင် ၃၀(အမ္မဂျွဇ်)အထိ ၇ နှစ်နှင့် ၇ လကြာ အချိန်ယူခဲ့ရသည်။

ပုံနှိပ်လုပ်ငန်းစတင်သည့် ၁၉၁၁ ခုနှစ်မှ ၁၉၁၄ ခုနှစ်အထိရန်ကုန်မြို့ ရန်ကုန်ကြက်သရေပုံနှိပ်တိုက်တွင် ပုံနှိပ်သည်။ ၁၉၁၅ ခုနှစ်မှစ၍ ၁၉၁၆ ခုဇူလိုင်လအထိ ရန်ကုန်မြို့ ရန်ကုန်ကြက်သရေ ပုံနှိပ်တိုက်တွင် ပြောင်းရွှေ့အပ်နှံသည်။ တစ်ဖန် ၁၉၁၆ ခု အောက်တိုဘာလမှ ၁၉၁၈ ခု ဇူလိုင်လ (ပုံနှိပ်လုပ်ငန်းအ၀၀ ပြီးဆုံးသည်)အထိ ရန်ကုန် ကြက်သရေပုံနှိပ်တိုက်တွင်ပင် ပြန်လည်အပ်နှံပုံနှိပ်ထုတ်ဝေကြောင်း ပုံနှိပ်မှတ်တမ်းအရ သိရသည်။

အဆိုပါ ဘာသာပြန်များကိုဟာဂျီလူသည် ဒိလ္လီမြို့သား မြီရ်ဇာဟိုင်ရက် ပြန်ဆိုရေးသားသော ကုရ်အန်ကျမ်းတော်မြတ် အူရဒူဘာသာသာပြန်မှ တစ်ဆင့် ပြန်ဆိုခြင်းဖြစ်သည်။ အရဗီ မူရင်းမပါ မြန်မာသက်သက်ဖြင့်သာ ဖော်ပြသည်။ ခက်ဆစ်အဓိပ္ပာယ်နှင့် သရုပ်အကောက်ကို ရော၍ရေးသည်။ အာယတ်တော်ကျရောက်ခဲ့သည့် သမိုင်းပါရှိသည်။

အမြော်အမြင်ကြီးလှသော သူဌေးကြီးသည် ၁၉၃၈ ခုနှစ်တွင် ကုရ်အာန်ကျမ်းတော်မြတ် မြန်မာဘာသာပြန်ကို မူရင်းအရဗီစာသား လုံးကောက်အဓိပ္ပာယ်နှင့်တကွ စီရင်ရေးသားစေပြီး ဒုတိယအကြိမ် ထပ်မံထုတ်ဝေလှူဒါန်းသည်။ အကြောင်းကြောင်းကြောင့် ၁၃ စောင်အထိသာပုံနှိပ်ထုတ်ဝေနိုင်ခဲ့ပါသည်။ ကျန်အစောင်များကိုလည်း မိမိချန်ရစ်ခဲ့သော မိမိဝကဖ်ငွေများကိုသုံး၍ ဆက်လက်ပုံနှိပ်ထုတ်ဝေလှူဒါန်းရန် မကွယ်လွန်မီက အမှာအထားပြုခဲ့ပါသေးသည်။

၁၉၄၀ အောက်တိုဘာလတွင် သူဌေးကြီးသည် တိုင်းရင်းမွတ်စလင်မ်များ အသိဥာဏကြွယ်ဝရေးအတွက် စာမျက်နှာ ငါးရာကျော် ပါဝင်သည့် အစ္စလာမ်ပေါင်းချူပ်ကျမ်း ပထမတွဲ အုပ်ရေ ၅၀၀၀ ကိုထုတ်ဝေလှူဒါန်းသည်။ စာမျက်နှာသုံးရာကျော်ရှိ ဒုတိယတွဲအုပ်ရေ ၅၀၀၀ ကိုလည်း ဓမ္မဒါနလှူဒါန်းခဲ့သည်။ အစ္စလာမ်ပေါင်းချူပ်ကျမ်း ပထမတွဲတွင် ပွင့်တော်မူပြီးကုန်သော နဗီ၊ ရစူလ်၊ ပိုင်ဂမ္ဘာများအကြောင်း အစ္စလာမ်မဟာဝင်ကို မြန်မာသက်သက်ဖြင့် သိလွယ်မှတ်လွယ်အောင် ပြန်ဆိုရေးသားထားသည်။ ပြန်ဆိုသူမှာ ဦးထွန်းကြွယ်ဖြစ်သည်။ ရန်ကုန်မြို့ပုဇွန်တောင်၊ ရေကျော်ရပ်၊ မောင်ဂိုမာရီ လမ်း အမှတ် ၁၆၀ ရှိ ဦးဖိုးဟန်ပုံနှိပ်တိုက်မှ ရိုက်နှိပ်ထုတ်ဝေခဲ့သည်။

သူဌေးကြီးသည် ၁၉၄၁ ခုနှစ်တွင် အရဗီ-အင်္ဂလိပ်-မြန်မာ အဘိဓာန်ကြီးကို ထုတ်ဝေသည်။ အဆိုပါအဘိဓာန်သည် စင်္ကာပူမြို့ အငြိမ်းစားတရားသြူကီး ၊ အလ်ဟ်ဟာဂ်ျဟ်ဟာဇီ ဂိုလုလာမ် ဆရ်ဝါရ် (MA) ၏ အင်္ဂလိပ်ဘာသာဖြင့်ပြုစုသည့် အာရဗီ-အင်္ဂလိပ်အဘိဓာန်ကို အခြေခံ၍ မြန်မာဘာသာပြန်ဆို ဖြည့်စွက်ထားခြင်း ဖြစ်သည်။

ဒေါက်တာ ဟာဂျီ အဗ္ဗဒူဂဖူရ် ခေါ် ဦးဘချို၊ မော်လ၀ီ မုဟမ္မဒ်ရာဟမတွလ္လာဆပ်၊ မော်လ၀ီ အဗ္ဗဒူရာမန် န၀ီဆပ်တို့ ဘာသာပြန်ဆိုသည်။ ရန်ကုန်တက္ကသိုလ် အရှေ့တိုင်းဘာသာပါမောက္ခ ဆရာကြီး ခါန်ဆ်ဆာဟစ်ဘ်ဘ် အဟ်မဒ်ကာစင်က ကြိးကြပ်စစ်ဆေးသည်။  အဆိုပါကျမ်းသည် အခြားဘာသာစကား အဘိဓာန်မျိုးကဲ့သို့မဟုတ်။ ကုရ်အာန်ကျမ်းလာ အရဗီဝေါဟာရများကို အခြေခံထားသည့် အဘိဓာန်ဖြစ်သည်။ ၁၉၃၈ ခုနှစ်တွင်သူဌေးကြီး သည် ဂန်ဂျွလ်အရရှ်  ဒိုအာများကို  မြန်မာဘာသာပြန်ဆိုစေပြီး မြတ်စွာဘုရားဂုဏ်တော်များ အမည်ြဖင့် အုပ်ရေ-၅၀၀ လှူဒါန်းသည်။ ပြန်ဆိုသူမှာ အိုလမာပညာရှင်အဖွဲ့ မော်လ၀ီ မုဟမ္မဒ်ရဟ်မတွလ္လာဖြစ်ပြီး တည်းဖြတ်သုတ်သင် ပြင်ဆင်ရေးသားသူမှာ ဆရာလေး မောင်ထွန်းကြွယ်ဖြစ်သည်ဟု ဖော်ပြပါရှိသည်။ ရန်ကုန်မြို့မောင်ဂိုမာရီလမ်း အမှတ် ၁၆၀ နေမင်းရောင်စာပုံနှိပ်တိုက်တွင် ရိုက်နှိပ်သည်။

ဂန်ဂျွလ်အာရရ်ှကျမ်းတွင် သူဌေးကြီးက ဂုဏ်တော်များကို မိမိ ဘထွေး ဟာဂျီဟီဟာဖစ် အေနာယတွလ္လာ ဆပ် ထံမှရရှိသည်။ ကန်ဂျွလ်အာရရ်ှကို ကိုယ်တိုင်ယုံကြည်စွာ ဖတ်ရွတ်စီးဖြန်းသဖြင့် ကိုယ်စိတ်နှစ်ဖြာချမ်းသာသည်။ စည်းစိမ်ဥစ္စာတိုးပွားပြီး ဟာဂ်ျ တာဝန်ကျေပွန်နိုင်ခဲ့သည်။ အလားတူ ကျေးဇူးခံစားစေရန် ဓမ္မဒါနပြု ဖြန့်ဝေကြောင်း သူဌေးကြီးက ကိုယ်တွေ့ ဂုဏ်တော်ကျေးဇူးနှင့် ဘာဝနာပွားပုံကို ဖော်ပြထားသည်။ သူဌေးကြီးသည် ကိုလိုနီခေတ်ဦးကဖွဲ့စည်းသော  ဘားမားမွတ်စလင်မ် စိုစိုင်တီအသင်းကြီးဖြင့်  ခေတ်အခါအလျောက် အမျိုးသားရေးနှင့် ဘာသာရေးလုပ်ငန်းများကို အားကြိူးမာန်တက် ဆောင်ရွက်ခဲ့သည်။ ဘားမား မွတ်စလင်မ်စိုစိုင်တီကို ၁၉၀၉ ခု ဒီဇင်ဘာ ၂၃ ရက်ဗုဒ္ဓဟူးနေ့တွင် ရန်ကုန်မြို့ မဂိုလမ်း အမှတ် ၃၆ ၌ ကျင်းပသော လူထုအစည်းအဝေးမှ စတင်ဖွဲ့စည်းခဲ့ခြင်းဖြစ်သည်။ အသင်းတွင် ဆန်ကုန်သည် အဗ္ဗဒူရ်ကရင် အီမာဂျန်က ပထမဆုံး ဥက္ကဋ္ဌဖြစ်သည်။ နောက် ၀တ်လုံတော်ရ အက်စ်အေရဟင်က နှစ်နှစ်တာမျှ ဥက္ကဋ္ဌဆောင်ရွက်ပြီး သူဌေးကြီးဦးဘအိုက ဥက္ကဋ္ဌအဖြစ် တောက်လျှောက်တာဝန်ယူ ခဲ့ရသည်။

သူဌေးကြီးသည် ဂျပန်အပြေးတွင် လူကြီးရောဂါ ဖောရောင်သောဝေဒနာ စွဲကပ်ပြီး ၁၃၀၆ ခု နယုန်လကွယ်နေ့ (၁၉၊ ၆၊ ၁၉၄၄) နေ့တွင် အလ္လာအရှင်မြတ်အမိန့်တော်ခံယူသည်။ သူဌေးကြီး၏ရုပ်ကလာပ်ကို သူဌေးကြီးလှူဒါန်းခဲ့သည် ကြံတောမွတ်စလင်မ်သင်္ချိုင်းဇရပ် အနောက်ဘက်ဘေးတွင်ကပ်၍ မြှုပ်နှံခဲ့သည်။

အငြိမ်စား မြန်မာစာ ပါမောက္ခ ဒေါက်တာ အောင်ဇော်က ရေးသည့် တိုင်းရင်း မွတ်စလင်မ် စာပြုစာဆို ပုဂ္ဂိုလ်ကျော်များ (ဒုတိယတွဲ)မှကူးယူဖော်ပြခြင်းဖြစ်ပါသည်။