ရခိုင်ပြဿနာကို ပိုကောင်းအောင် ဖြေရှင်းချင်သည်ဟု ဒေါ်အောင်ဆန်းစုကြည် ပြော

ဒီဇင်ဘာ ၃၊ ၂၀၁၆
M-Media



– ရခိုင်ပြည်နယ်က မွတ်စလင်တွေအပေါ်မှာ မြန်မာအစိုးရစစ်တပ်က ဖိနှိပ်ငြှင်းပမ်းမှုတွေ ရှိနေတယ်လို့ နိုင်ငံတကာအသိုင်းအ၀ိုင်းက စွပ်စွဲထားချိန်မှာ စင်ကာပူကို ရောက်ရှိနေတဲ့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကတော့ မိမိအနေနဲ့ အခြေအနေကို ပိုကောင်းအောင်လုပ်ချင်တယ်လို့ ပြောကြားလိုက်ပါတယ်။

စင်ကာပူက နာမည်ကြီးမီဒီယာတစ်ခုဖြစ်တဲ့ CNA နဲ့ ဒီဇင်ဘာ ၂ ရက်နေ့ အင်တာဗျူးမှာ ဒီလို ပြောကြားလိုက်တာပါ။ ရခိုင်ကိစ္စဟာ ကိုင်ရတွယ်ရခက်တဲ့ ပြဿနာဖြစ်နေလားလို့ မေးမြန်းရာမှာ ဒေါ်အောင်ဆန်းစုကြည်က မဟုတ်ဘူးလို့ ဆိုပါတယ်။

“ကျွန်မတို့ အခြေအနေကို ထိန်းသိမ်းနိုင်ခဲ့တယ်။ တည်ငြိမ်အောင် လုပ်နိုင်ခဲ့ပါတယ်။ ဒါပေမယ့် နိုင်ငံတကာအသိုင်းအ၀ိုင်းအနေနဲ့ အမြဲတမ်း မကျေမချမ်းမှုတွေ မြင့်တက်လာစေမယ့် တောင်းဆိုမှု လုပ်တာမျိုးမဟုတ်ဘဲ ငြိမ်းချမ်းရေးနဲ့ တည်ငြိမ်အေးချမ်းမှုကို ထိန်းသိမ်းထားဖို့၊ လူ့အဖွဲ့အစည်းနှစ်ခုအကြား ပိုကောင်းတဲ့ဆက်ဆံရေး တည်ဆောက်ရာမှာ တိုးတက်စေဖို့ ကူညီမယ်ဆိုရင်တော့ ကျွန်မ ကျေးဇူးတင်မိမှာပါ” လို့ ပြောကြားခဲ့ပါတယ်။

နောက်ပြီး မိမိတို့ကို နားလည်မှုပေးဖို့လည်း နိုင်ငံတော်အတိုင်ပင်ခံပုဂ္ဂိုလ်က နိုင်ငံတကာအသိုင်းအ၀ိုင်းကို တောင်းဆိုခဲ့ပြီး၊ ဒီပြဿနာဟာ အထိမခံတဲ့၊ သိမ်မွေ့တဲ့ ကိစ္စတစ်ခု ဖြစ်တယ်လို့လည်း ဆိုပါတယ်။

“မွတ်စလင်တွေပဲ စိုးရိမ်နေတာ၊ သောကရောက်နေတာ မဟုတ်ပါဘူး။ ရခိုင်တွေလည်း စိုရိမ်နေကြပါတယ်။ သူတို့ရဲ့ လူဦးရေရာခိုင်နှုန်း ကျုံ့သွားတာမျိုးလို အခြေအနေကို သူတို့ စိုးရိမ်နေတာပါ။ ဒီလူ့အဖွဲ့အစည်းနှစ်ခုအကြား ဆက်ဆံရေး မကောင်းတာကိုလည်း ကျွန်မတို့ လစ်လျူရှုထားလို့ မရပါဘူး။ ဒါကို ပိုကောင်းအောင် ကျွန်မတို့ ကြိုးစားချင်ပါတယ်”

“အောက်တိုဘာ ၉ ရက်နေ့ကတည်းကစပြီး ရဲကန်းစခန်းတွေကို တိုက်ခိုက်မှုတွေ ရှိခဲ့တယ်ဆိုတဲ့ အခြေအနေမျိုး ရှိနေရဲ့သားနဲ့ ဒီပြဿနာကို အနှုတ်လက္ခဏာဆောင်တဲ့ဘက်ကပဲ အာရုံစိုက်နေမယ်ဆိုရင်တော့ ကူညီရာရောက်မှာ မဟုတ်ပါဘူး” လို့ ဒေါ်အောင်ဆန်းစုကြည်က ထည့်သွင်းပြောကြားခဲ့ပါတယ်။

အဲဒီ နယ်ခြားစောင့်စခန်းတွေ တိုက်ခိုက်ခံရမှုအတွက် အစိုးရက RSO အဖွဲ့ကို အပြစ်တင်ခဲ့ပြီး၊ အဲဒီနောက်ပိုင်းမှာ ရိုဟင်ဂျာအများစုနေထိုင်ရာ ရခိုင်ပြည်နယ်မြောက်ပိုင်းကို တပ်တွေ စေလွှတ်ခဲ့ပါတယ်။

သံသယရှိသူတွေကိုရှာဖွေတဲ့ စစ်တပ်ရဲ့ ဒီစစ်ဆင်ရေးအတွင်းမှာ အဲဒီဒေသက လူထောင်ပေါင်းများစွာ အိုးအိမ်စွန့်ခွာ ထွက်ပြေးခဲ့ရပြီး၊ စစ်တပ်ဟာ အရပ်သားတွေကို သတ်ဖြတ်မှု၊ အုပ်စုဖွဲ့ အဓမ္မပြုကျင့်မှုနဲ့ နေအိမ်မီးရှို့မှုတွေ ရှိခဲ့တယ်လို့ စွပ်စွဲချက်တွေလည်း ပေါ်ထွက်လာခဲ့ပါတယ်။ ဒါပေမယ့် အစိုးရစစ်တပ်ကတော့ ဒီစွပ်စွဲမှုတွေကို ငြင်းဆိုထားပါတယ်။

ဒီပြဿနာရဲ့ ဇစ်မြစ်က နိုင်ငံတကာ အ၀ိုင်းအ၀ိုင်းတစ်ခုတည်းရဲ့အပေါ်မှာ မူတည်နေတာမဟုတ်ဘူးလို့ အင်တာဗျူးသူက ပြောတဲ့အခါမှာတော့ ဒေါ်အောင်ဆန်းစုကြည်က

“ကျွန်မသိပါတယ်။ ကျွန်မကလည်း အခက်အခဲတွေမရှိဘူးလို့ ပြောတာမဟုတ်ပါဘူး။ ဒါပေမယ့် လူတွေအနေနဲ့ တကယ်ဖြစ်နေတာထက် ပိုဆိုးသယောင်ယောင် ချဲ့ကားပြောဆိုတာထက် အခက်အခဲကို နားလည်ပြီး အဲဒီအခက်အခဲတွေကို ဖြေရှင်းရာမှာ ပိုပြီး အာရုံစိုက်တာကသာ အကူအညီပေးရာ ရောက်မှာပါ” လို့ ပြန်လည် ဖြေကြားခဲ့ပါတယ်။

Ref: Channelnewsasia

Related Posts

• ရိုဟင်ဂျာ အရေး ဥပဒေ အရဖြေရှင်းမှ အဖြေရမည်ဟု NLD ပြောရေး ဆိုခွင့်ရှိသူ ဦးဥာဏ်ဝင်းပြော (May 21, 2015)
• လှေစီးဒုက္ခသည် ၄၀၀ ခန့်ကို အင်ဒိုနီးရှားငါးဖမ်းသမားများ ထပ်မံကယ်တင် (May 20, 2015)
• ရိုဟင်ဂျာလှေစီးဒုက္ခသည်များအား ယာယီနေရာထိုင်ခင်းပေးရန် အမေရိကန်က ထိုင်းကို တိုက်တွန်း (May 16, 2015)
• လှေစီးဒုက္ခသည် ၈၀၀ ခန့်ကို အင်ဒိုနီးရှားကယ်တင်ခဲ့၊ ထိုင်းနှင့် အင်ဒိုရေတပ်တို့မှ အခြားစက်လှေများကို ပင်လယ်ထဲသို့ပြန်လည် ပို့ဆောင်မှုလည်းရှိ (May 15, 2015)
• ထိုင်းနယ်စပ်က လူကုန်ကူးစခန်းများမှ လူ့အသက်ပေါင်းများစွာ (May 5, 2015)
• ရိုဟင်ဂျာများ လူမျိုးတုန်းသတ်ဖြတ်ခံရမှု အခြေအနေသို့ ရောက်နေပြီဟု အမေရိကန် ကျွမ်းကျင်အဖွဲ့တစ်ခု ပြော (May 3, 2015)
• ရိုဟင်ဂျာ အရေး အာဆီယံမှာ ဆွေးနွေးမယ် (Apr 25, 2015)
• ရွေးကောက်ပွဲ မတိုင်ခင် ရိုဟင်ဂျာများ၏ နိုင်ငံသားဖြစ်ရေး မြန်မာ အစိုးရက ဖြေရှင်းရမည်ဟု ဘန်ကီမွန်ပြော (Apr 25, 2015)
• ပြန်ပေးငွေ၊ ပွဲစား၊ လူကုန်ကူးမှုနှင့် ရိုဟင်ဂျာတို့၏ ဘ၀ (Feb 28, 2015)
• ရိုဟင်ဂျာအားလုံးကို နိုင်ငံသားပေးဖို့ တောင်းဆိုသည့် ဆုံးဖြတ်ချက် ကုလတည်ပြု (Dec 30, 2014)

The post ရခိုင်ပြဿနာကို ပိုကောင်းအောင် ဖြေရှင်းချင်သည်ဟု ဒေါ်အောင်ဆန်းစုကြည် ပြော appeared first on News @ M-Media.