လေးစားဖွယ်ကောင်းသည့် ဂါဇာမှ ညီရင်းအစ်ကိုစိတ်ဓာတ်

ဇွန် ၂၂၊ ၂၀၁၅
M-Media

– အစ္စရေးက ပိတ်ဆို့ထားလို့ အတိဒုက္ခရောက်နေကြတဲ့ ပါလက်စတိုင်းပိုင် ဂါဇာကမ်းမြှောင်မှာ အစ္စလာမ်ဘာသာဝင်တွေ ဥပုသ်အထွက် ၀ါဖြေချိန် အကြောင်းအမျိုးမျိုးကြောင့် လမ်းပေါ်ရောက်နေကြတဲ့ မွတ်စလင်တွေကို ပါလက်စတိုင်း ခရစ်ယာန်တွေက ရေသန့်ဘူးတွေပေးကာ ၀ါဖြေဖို့ အကူအညီပေးနေတဲ့ မြင်ကွင်းကို ရိုက်ကူးထားတဲ့ ဓာတ်ပုံတွေဟာ ဆိုရှယ်မီဒီယာမှာ အခုရက်ပိုင်းအတွင်း ပြန့်နှံ့လာခဲ့ပါတယ်။

ပါလက်စတိုင်းတို့ရဲ့ အမှတ်အသားဖြစ်တဲ့ ပိတ်စကို လည်ပင်းမှာချီလို့ ရေဘူးတွေ ကိုယ်စီကိုင်ကာ ၀ါဖြေချိန် ကားလမ်းမှာ ပိတ်မိနေတဲ့ မွတ်စလင်တွေကို ၀ါဖြေဖို့ အနက်ရောင် အင်္ကျီနဲ့ ဂျင်းဘောင်းဘီဝတ် ခရစ်ယာန်လူငယ်တွေက ရေဘူးတွေပေးနေတဲ့ ဒီဓာတ်ပုံကို ပါလက်စတိုင်းက ဂျာနယ်လစ်နဲ့ စာရေးဆရာဖြစ်တဲ့ မိုဟာမက် မက်တာက Twitter စာမျက်နှာမှာ လွှင့်တင်ခဲ့ပြီး
“အစ်ဖ်သာရ် (၀ါဖြေဖို့) အတွက် မဆောင်ရွက်နိုင်ကြတဲ့ မွတ်စလင်တွေကို ခရစ်ယာန်တွေက ရေဘူးတွေ ဖြန့်ဝေပေးနေတာကို မြင်နေရတာပါ” လို့ ရေးသားခဲ့ပါတယ်။

နောက်ပြီး သတင်းသမား၊ ဂျာနယ်လစ်၊ ဗီဒီယိုရိုက်ကူးတင်ဆက်သူနဲ့ အရှေ့အလယ်ပိုင်းအရေး ဆန်းစစ်လေ့လာသူတစ်ဦးဖြစ်တဲ့ ဂျမားလ် ဒါဂျာနီကလည်း အဲဒီလိုဓာတ်ပုံတွေကို Twitter မှာ မျှဝေခဲ့ပါတယ်။

ဒါဟာ ပါလက်စတိုင်းမှာ နှစ်ထောင်နဲ့ချီ အတူရှိခဲ့ကြတဲ့ မွတ်စလင်တွေနဲ့ ခရစ်ယာန်တွေကြားထဲမှာရှိတဲ့ ညီရင်းအကိုစိတ်ဓာတ်ကို ဖော်ကျူးပြသလိုက်တာပဲ ဖြစ်ပါတယ်။

ပါလက်စတိုင်းဒေသမှာ လူများစုဖြစ်တဲ့ မွတ်စလင်တွေကလည်း ခရစ်ယာန်တွေရဲ့ အတိဒုက္ခရောက်မှုတွေကို မျှဝေခံစားလေ့ရှိပြီး အစ္စရေးအစိုးရနဲ့ ဂျူးလူရမ်းကားတွေရဲ့ ခရစ်ယာန်ဘုရားကျောင်းတွေကို တိုက်ခိုက်မှု၊ ခရစ်ယာန်တွေရဲ့ ၀တ်ပြုဆုတောင်းခွင့်ကို ပိတ်ပင်မှု၊ ဒုက္ခပေးမှုတွေကိုလည်း မွတ်စလင်တွေက ဦးဆောင်ရပ်တည် ကာကွယ်ပေးလေ့ရှိပါတယ်။

နောက်ပြီး အစ္စရေးရဲ့ ပြီးခဲ့တဲ့နှစ်က ဗုံးကြဲတိုက်ခိုက်မှုဒဏ်ကို ဂါဇာပြည်သူတွေ အခုထက်ထိ ခံစားနေရတယ်ဆိုတာကို ကမ္ဘာကြီးက သိရှိစေဖို့အတွက် အခြားဓာတ်ပုံ အနည်းငယ်ကိုလည်း ဂျာနယ်လစ်တွေက လွှင့်တင်ခဲ့ပါသေးတယ်။

အဲဒါကတော့ ဂါဇာက ပါလက်စတိုင်းမိသားစုတစ်ခုဟာ အစ္စရေးရဲ့ ဗုံးဒဏ်ကြောင့် ပြိုကျ ပျက်ဆီးနေတဲ့ အမိုးအကာမဲ့ သူတို့ရဲ့အိမ်မှာ ဥပုသ်ထွက် ၀ါဖြေနေကြတဲ့ ပုံပါပဲ။

ကလေးငယ်နဲ့ အမျိုးသမီးအများစုအပါအ၀င် လူပေါင်း ၂၂၀၀ ကျော်သေဆုံးခဲ့ရတဲ့ ပြီးခဲ့တဲ့နွေရာသီ အစ္စရေးတို့ရဲ့ ဗုံးကြဲမှုနောက်ပိုင်း ဂါဇာကမ်းမြှောက်က ပါလက်စတိုင်းတွေရဲ့ ဒုက္ခသုက္ခတွေဟာ တော်တော်ကြီး ဆိုးရွားလာခဲ့ပါတယ်။

ပြန်လည်တည်ဆောက်ရေးလုပ်ငန်းတွေကို လုပ်ဖို့ လျာထားပေမယ့်လည်း ကမ္ဘာ့နိုင်ငံတွေက ပေးဖို့ ကတိပြုထားတဲ့ အလှူငွေတွေ အချိန်မီရောက်မလာတာ၊ အစ္စရေးက ဆောက်လုပ်ရေးပစ္စည်းတွေ ဂါဇာဒေသထဲ သွင်းလို့မရအောင် ပိတ်ဆို့ထားတာတွေကြောင့် ဂါဇာပြည်သူအများစုဟာ အခုအချိန်အထိ ဟင်းလင်းပြင်ထဲမှာပဲ နေ့ည ဘ၀တွေကို ဖြတ်သန်းနေရပါတယ်။

ဂါဇာကမ်းမြှောင်ဒေသကို အစ္စရေးက ၂၀၀၆ ခုနှစ်ကစလို့ ပိတ်ဆို့ခဲ့တာဖြစ်ပြီး အဲဒီအချိန်ကတည်းက ၁.၈ သန်းကျော်သော ဂါဇာပြည်သူတွေရဲ့ လူမှုဘ၀တွေဟာ တဖြည်းဖြည်း ယိုယွင်းပျက်ဆီးလာခဲ့ပါတယ်။

Ref: thenewsteller.com

http://www.m-mediagroup.com/news/42451