သြဂုတ်လ- ၃၀၊ ၂၀၁၃
M-Media
သုတ
“ကိုယ်အိမ်ပြန်နေဖို့ ကန့်ကွက်ခံရတာ တရားဥပဒေစိုးမိုးမှု မရှိတာထင်ရှား” ဟု မိတ္ထီလာမြို့တွင် မွတ်စလင်မ်လူကြီးများ မြန်မာနိုင်ငံ လူ့အခွင့်အရေး ကော်မရှင် နှင့် တွေ့ဆုံစဉ် ပြောကြား
၂၀၁၃ ခုနှစ် မတ်လ တွင် အကြမ်းဖက်မီးရှို့ခံရသည့် မိထ္ထိလာမှ မွတ်စလင်မ် နေအိမ်များ
မိတ္ထီလာ ။ ။ မြန်မာနိုင်ငံ လူ့အခွင့်အရေး ကော်မရှင်မှ တာဝန်ရှိသူ (၄)ဦးသည် မိတ္ထီလာမြို့ရှိ မွတ်စလင်မ် လူကြီး(၁၀)ဦးနှင့် သြဂုတ်လ ၂၈-ရက်နေ့ မနက်ပိုင်းက မိတ္ထီလာမြို့ ခရိုင်ရုံးတွင် တွေ့ဆုံခဲ့ကြောင်း သိရသည်။
အဆိုပါ တွေ့ဆုံမှုတွင် မွတ်စလင်မ် လူကြီးများမှ မတ်လအတွင်းက မိတ္ထီလာမြို့တွင်ဖြစ်ပွားခဲ့သော အကြမ်းဖက်မှုများကြောင့် CAMP များတွင် နေထိုင်နေရသော ‘အကြမ်းဖက်ခံ’ ဒေသခံ မွတ်စလင်မ် များမှ မိမိတို့၏နေအိမ်များတွင် ပြန်လည်နေထိုင် ခွင့်ရရန်၊ ငြိမ်းချမ်းရေးနှင့် ပြန်လည် သင့်မြတ်ရေးကို ဦးတည်ကြောင်း၊ Hate Speech (အမုန်းတရားဝါဒဖြန့််မှု) များကို တားဆီးပေးရန်၊ မွတ်စလင်မ်ဈေးဆိုင်များ ပြန်လည်ရောင်းချ ခွင့်ရရန်၊ ကလေးများ စိတ်အေး ချမ်းသာစွာ နေထိုင်ခွင့်ရရန် ၀ိုင်းဝန်းလုပ်ဆောင်ပေးရန်၊ ပြန်လည် ဖွင့်ခွင့် မရသေးသော ကျန်ရှိသည့် ဗလီ ၆-လုံးအား ပြန်လည် ဖွင့်ခွင့်ရရှိရေး၊ ဖျက်ဆီးခံရသည့် အိမ်များ၊ ဗလီဝတ်ကျောင်းများ ပြန်လည် ပြန်ဆင်ခွင့်ရရန် တင်ပြဆွေးနွေးခဲ့သည်။
ထိုသို့ ဆွေးနွေးနေစဉ်မှာပင် ခရိုင် အထွေထွေ အုပ်ချုပ်ရေးမှူး ဦးတင်မောင်စိုးမှ အချိန် မရှိတော့ဘူးဟုဆိုကာ ဆွေးနွေးမှုအား တားဆီးခဲ့ပြီး မင်္ဂလာဇေယုံတွင် ဖြစ်သွားသည့် ကိစ္စရပ်သည့် မွတ်စလင်မ်များမှ ဘုန်းကြီးကိုသတ်လိုက်သည့် အတွက် ပိုဆိုးသည်၊ မွတ်စလင်မ်များတွင် တာဝန်ရှိသည်၊ မွတ်စလင်မ်များတွင် ခေါင်းဆောင်ကောင်း မရှိဘူးဟု ပြောဆိုခဲ့ကြောင်း သိရသည်။
မိမိရပ်ကွက်အတွင်း မိမိပြန်လာသည်ကို လက်သင့်မခံခြင်း၊ ကန့်ကွက်ခြင်းရှိသည့်အတွက် တရားဥပဒေ စိုးမိုးရေး မည်သို့ရှိကြောင်း၊ လွန်ခဲ့သော နှစ်ပေါင်း ရာချီက ရှိခဲ့သော ဗလီများအားလည်း ပတ်ဝန်းကျင်က ကန့်ကွက်သည်ဟု ဆိုကာ ပြန်လည် ဖွင့်လှစ်ခွင့် မပေးသည်မှာလည်း တရားဥပဒေစိုးမိုးမှု မရှိကြောင်း ပြန်လည်ပြောဆိုရာမှ တွေ့ဆုံမှုကို ရပ်တန့်လိုက်ရကြောင်း သိရသည်။
မြန်မာနိုင်ငံ လူ့အခွင့်အရေး ကော်မရှင်ကို ၂၀၁၀ ခုနှစ်ရွေးကောက်ပွဲပြီးနောက် ယခုနှစ် မတ်လ ၃၀ ရက်နေ့တွင် နိုင်ငံတော်အစိုးရ အဖွဲ့တာဝန်ကို လွှဲပြောင်းလက်ခံခဲ့သည့် သမ္မတဦးသိန်းစိန်မှ ၂၀၁၁ ခုနှစ် စက်တင်ဘာ ၅ ရက်နေ့ တွင် အဖွဲ့ဝင် (၁၅) ဦးဖြင့် ဖွဲ့စည်းပေးခဲ့ခြင်းဖြစ်သည်။ အဖွဲ့ဝင်အားလုံးနီးပါးမှာ အငြိမ်းစား အစိုးရ အရာရှိကြီးများဖြစ်ပြီး အငြိမ်းစား သံတမန်၊ ပါမောက္ခနှင့် အခြားသော အစိုးရဋ္ဌာနဆိုင်ရာများတွင် တာဝန်ထမ်းဆောင်ခဲ့သူ များဖြစ်သည်။ ကော်မရှင်၏ ဥက္ကဋ္ဌမှာ အငြိမ်းစား သံအမတ် ဦးဝင်းမြ ဖြစ်သည်။
"ကိုယ်အိမ်ပြန်နေဖို့ ကန့်ကွက်ခံရတာ တရားဥပဒေစိုးမိုးမှု မရှိတာထင်ရှား" ဟု မိတ္ထီလာမြို့တွင် မွတ်စလင်မ်လူကြီးများ မြန်မာနိုင်ငံ လူ့အခွင့်အရေး ကော်မရှင် နှင့် တွေ့ဆုံစဉ် ပြောကြား
Facebook
Twitter
0 comments:
Note: only a member of this blog may post a comment.