နိုဝင်ဘာ ၈၊ ၂၀၁၇
M-Media
၂၀၁၅ နောက်ပိုင်း တိုက်ခိုက်မှုများကြောင့် ထွက်ပြေးရသည့် ကရင်တိုင်းရင်းသားမိသားစုတစ်ခု
– တိုင်းရင်းသားလူနည်းစုတွေကို ဆက်လက်ဖိနှိပ်နေဆဲဖြစ်တဲ့အတွက်ကြောင့် မြန်မာနိုင်ငံအပေါ် စီးပွားရေးပိတ်ဆို့မှုတွေ မြန်မြန်ဆန်ဆန်ဆောင်ရွက်ရေး ထရမ့်အစိုးရကို တောင်းဆိုတဲ့အနေနဲ့ အမေရိကန်ရောက် ကရင်တိုင်းရင်းသားတွေဟာ တနင်္လာနေ့က အမေရိကန်လွှတ်တော်အရှေ့မှာ ဆန္ဒပြခဲ့ကြပါတယ်။
စစ်အာဏာရှင်အုပ်စိုးမှုတစ်လျှောက် အမေရိကန်နဲ့ အနောက်နိုင်ငံတွေက ပြုလုပ်ခဲ့တဲ့ စီးပွားရေးပိတ်ဆို့မှုတွေကို အမျိုးသားဒီမိုကရေစီအဖွဲ့ချုပ်ပါတီ အာဏာရပြီးနောက်ပိုင်း အိုဘားမားအစိုးရက အားလုံး ဖယ်ရှားပေးခဲ့တာပါ။
ကရင်တိုင်းရင်းသားတွေကတော့ တိုင်းရင်းသားဒေသတွေမှာ စစ်တပ်က စနစ်တကျ တိုက်ခိုက်တာ၊ ရွာတွေကို မီးရှို့တာတွေ ဆက်လုပ်နေတဲ့အတွက် ပိတ်ဆို့မှုတွေ ပြန်လုပ်ဖို့ တောင်းဆိုခဲ့ပါတယ်။
“တရားလက်လွတ်သတ်ဖြတ်မှု၊ နှိပ်စက်မှု၊ လိင်အကြမ်းဖက်မှု၊ နေအိမ်တွေဖျက်ဆီးမှု အပါအ၀င် မြန်မာစစ်တပ်ဟာ ဆိုးဆိုးရွားရွား ကျူးလွန်မှုတွေအတွက် တာဝန်ရှိပါတယ်။ တိုင်းရင်းသားဒေသတွေမှာ ဗုံးကြဲနေတာ လေကြောင်းတိုက်ခိုက်မှု ပြုလုပ်တာတွေကလည်း စစ်ပွဲ စည်းမျဉ်းစည်းကမ်းတွေကို ဆန့်ကျင်ပြီး လုပ်ဆောင်
နေတာ ဖြစ်ပါတယ်” လို့ အမေရိကန်ရောက် ကရင်လူမျိုးများအသင်း (KOUSA) ရဲ့ ဥက္ကဌ Mu Kpaw က ပြောကြားခဲ့ပါတယ်။
၁၉၉၀ ပြည့်နှစ်အလယ်ပိုင်းမှာ မြန်မာနိုင်ငံကနေ ထွက်ပြေးလာရတဲ့ Mu Kpaw က ပြီးခဲ့တဲ့နှစ် အိုဘားမားအစိုးရရဲ့ ပိတ်ဆို့မှုတွေအားလုံး ဖယ်ရှားပေးခဲ့တဲ့အချိန်ကစလို့ မြန်မာစစ်တပ်ဟာ အတင့်ရဲလာတယ်လို့ ပြောကြားခဲ့ပါတယ်။
ကရင်တိုင်းရင်းသားဝတ်စုံဝတ်ထားတဲ့ ဆန္ဒပြသူတွေဟာ လွှတ်တော်အရှေ့မှာ ကရင်အလံတွေကိုလည်း ဝှေ့ယမ်းခဲ့ကြပါတယ်။ လွှတ်တော်ရဲတပ်ဖွဲ့ကတော့ ဆန္ဒပြသူတွေဟာ ၅၀၀၀ ၀န်းကျင်လောက်ရှိပြီး မြန်မာစစ်တပ်ရဲ့ ‘လူမျိုးစိုလိုက်သုတ်သင်မှု’ ‘ဘာသာရေးဖိနှိပ်မှု’ ကို ရှုတ်ချတဲ့ ဆိုင်းဘုတ်တွေကို ကိုင်ဆောင်ခဲ့ကြ
တယ်လို့လည်း ဆိုပါတယ်။
“ကျွန်တော်တို့ဟာ ကိုယ့်ပြည်နယ်၊ ကိုယ့်နယ်နမိတ်မှာ ငြိမ်းချမ်းစွာနေထိုင်ဖို့ ထိုက်တန်သူတွေပါ။ ဒါပေမယ့် မြန်မာစစ်တပ်ကလာပြီး ကျွန်တော်တို့မြေတွေကို အင်အားပြသိမ်းပိုက်တယ်။ အသက်ရှင်ဖို့ တောင်းပန်ခယနေရတာကလွဲလို့ ကျွန်တော်တို့မှာ ရွေးချယ်စရာ မရှိပါဘူး” လို့ Mu Kpaw က ဆိုပါတယ်။
အမေရိကန်သမ္မတ ဒေါ်နယ်ထရမ့်ဟာ အာရှကို ၁၂ ရက်ကြာခရီးစဉ်အဖြစ် ရောက်ရှိနေတဲ့အချိန်မှာ ကရင်တိုင်းရင်းသားတွေရဲ့ ဒီလိုဆန္ဒပြမှု ဖြစ်ပေါ်လာတာပါ။ ထရမ့်ဟာ အာဆီယံ ထိပ်သီးအစည်းအဝေးမှာ မြန်မာအစိုးရ တာဝန်ရှိသူတွေနဲ့ တွေ့ဖို့ ရှိနေပါတယ်။
ရခိုင်ပြည်နယ်မှာ ဖြစ်ပွားနေတဲ့ ပြဿနာတွေအတွက် အမေရိကန်အစိုးရဟာ မြန်မာစစ်ခေါင်းဆောင်တွေအပေါ် ပိတ်ဆို့အရေးယူဖို့ ဆောင်ရွက်နေပြီး ပိတ်ဆို့မှုတွေ့ပြုလုပ်ရေး မူကြမ်းတစ်ခုကို ပြီးခဲ့တဲ့တစ်ပတ်မှာ အထက်လွှတ်တော်၊ အောက်လွှတ်တော် နှစ်ခုစလုံးမှာ တင်သွင်းခဲ့ပါတယ်။
Ref: Freebeacon.com
The post စစ်တပ်က တိုင်းရင်းသားများအပေါ်ဆက်လက်ကျူးလွန်နေမှုကို အမေရိကန်ရောက် ကရင်လူမျိုးများ ဆန့်ကျင်ဆန္ဒပြ appeared first on News @ M-Media.
Facebook
Twitter
0 comments:
Note: only a member of this blog may post a comment.