ပြောင်းရွှေ့အခြေချမှုကို ဥရောပတိုက်က လိုအပ်ဟု နိုင်ငံခြားရေး အကြီးအကဲပြော

ဖေဖော်ဝါရိ ၉၊ ၂၀၁၇
M-Media



– ဥရောပတိုက်အနေဖြင့် ပြောင်းရွှေ့အခြေချသူများကို လိုအပ်သောကြောင့် လာရောက်ခိုလှုံသူများအား တံခါးပိတ်သွားမည်မဟုတ်ဟု ဥရောပသမဂ္ဂ နိုင်ငံခြားရေးပေါ်လစီ အကြီးအကဲ ဖက်ဒရီကာ မိုဂ်ဟီရီနီက ပြောကြားလိုက်သည်။

Valletta Joint Action Plan 2017 အစီအစဉ်အတွက် မောလ်တာနိုင်ငံတွင် ယနေ့ပြုလုပ်သည့် အကြီးတန်း တာဝန်ရှိသူများ အစည်းအဝေးတွင် ပြောကြားလိုက်ခြင်းဖြစ်ပြီး ဥရောပသားများ ကိုယ်တိုင်ကလည်း လွန်ခဲ့သည့် နှစ်အနည်းငယ်ကအထိ ပြောင်းရွှေ့အခြေချသူများ ဖြစ်ခဲ့သည်ဟု ဆိုသည်။

“ကျွန်မတို့ ရေရှည်ဆက်လက်ထိန်းသိမ်းထားရမယ့် လူမှုအဖွဲ့အစည်းအနေအထားနဲ့အတူ လက်ရှိ ကျွန်မတို့ရဲ့ စီးပွားရေးတွေ၊ လူမှုဖူလှုံရေးစနစ်တွေအတွက် ပြောင်းရွှေ့အခြေချမှု လိုအပ်တယ်ဆိုတာကို ဥရောပသားတွေ နားလည် လိမ့်မယ်ဆိုတာ ကျွန်မ ယုံကြည်ပါတယ်”

အကြီးတန်းတာဝန်ရှိသူများ အစည်းအဝေးမှာ ပာင်းရွှေ့အခြေချမှုဆိုင်ရာ ကိစ္စကို တတိယနိုင်ငံများနှင့် ပူးပေါင်းဆောင်ရွက်ရန် ရည်ရွယ်ပြီး မိုဂ်ဟီရီနီကမူ ပူးပေါင်းဆောင်ရွက်မှုအစား ထိပ်တိုက်တွေ့ဆုံမှု၊ မိတ်ဖက်ဆက်ဆံရေး ထူထောင်ရမည့်အစား တံတိုင်းခြားမှု၊ ဆွေးနွေးညှိနှိုင်းရမည့်အစား ပိတ်ဆို့မှုများကို အခြေခံကာ ပြောင်းရွှေ့အခြေချမှုကို ဆန့်ကျင်သည် ရပ်တည်ချက်ကိုလည်း ရှုတ်ချခဲ့ကာ ဥရောပအနေဖြင့် မျှတပြီး လူသားဆန်သည့်နည်းလမ်းဖြင့် ချဉ်းကပ်သွားမည်ဟု ကတိပြုခဲ့သည်။

ဒုက္ခသည် ပြဿနာတွင် စံချိန်တင် သေဆုံးမှုအဖြစ် ၂၀၁၆ ခုနှစ်အတွင်း ဥရောပသို့ ၀င်ရောက်ရန် ကြိုးစားသည့် ဒုက္ခသည်များမှ စုစုပေါင်း ၄၅၀၀ နီးပါး သေဆုံးမှုကိုလည်း သူမက ထောက်ပြခဲ့သည်။

ဥရောပ လူဦးရေ ၃ ပုံ ၁ ပုံနီးပါးမှာ ၂၀၆၀ ခုနှစ်အရောက်တွင် အသက် ၆၅ နှစ်ကျော် ရှိနေမည်ဟု ၂၀၁၂ ခုနှစ်တွင် ဥရောပကော်မရှင်မှ ထုတ်ပြန်သော အစီရင်ခံစာတွင် ဖော်ပြထားသည်။

၂၀၁၅ ခုနှစ် စက်တင်ဘာလကလည်း ဥရောပကော်မရှင် ဥက္ကဌ ဂျန် ကလုဒ် ဂျန်ကာက ဥရောပတိုက်မှာ အသက်အရွယ် အိုမင်းလွန်းသော တိုက်ကြီးတစ်ခု ဖြစ်လာနေပြီး ပြောင်းရွှေ့အခြေချမှုကို ပြဿနာတစ်ခုထက် ရင်းမြစ်တစ်ခုအဖြစ် မှတ်ယူသင့်သည်ဟု ပြောကြားခဲ့ဖူးသည်။

RRef: RT

Related Posts

• ဟန်ဂေရီက ဒုက္ခသည်များအပေါ် ဆက်ဆံမှု HRW ရှုတ်ချ (Jul 15, 2016)
• အမေရိကန်က ယခုနှစ်တွင် ဆီးရီးယားဒုက္ခသည် ၁၀၀၀၀ လက်ခံသွားမည် (Jul 14, 2016)
• ဆီးရီးယား ဒုက္ခသည်များ အတွက် ဥရောပသမဂ္ဂက ဒေါ်လာ ၂၂၆ သန်းဖိုး စီမံကိန်းများ ဆောင်ရွက်ပေးမည် (Jun 25, 2016)
• ကမ္ဘာ့တစ်ဝှမ်း အိုးအိမ်စွန့်ခွာထွက်ပြေးရသူ အရေအတွက် ၂၀၁၅ တွင် စံချိန်တင် (Jun 21, 2016)
• ဥရောပတွင် ဟာလာအစားအသောက် ရှာဖွေနိုင်သည့် ဖုန်းဆော့ဖ်ဝဲတစ်ခုကို ဆော်ဒီကျောင်းသားများ တီထွင် (Jun 20, 2016)
• ရွှေ့ပြောင်းလာသူများအတွက် တရားဝင်ဒုက္ခသည်စခန်း ပဲရစ်တွင် ဖွင့်ပေးမည် (Jun 2, 2016)
• ယခုနှစ်အတွင်း ရေနစ်သေဆုံးသည့် ဒုက္ခသည်ပေါင်း ၂၅၀၀ ကျော်လာ (Jun 2, 2016)
• ဒုက္ခသည်များမှာ အန္တရာယ်ရှိသူမဟုတ်ဘဲ အန္တရာယ်ကျရောက်နေသူများဟု ပုပ်ရဟန်းမင်းကြီးပြော (May 30, 2016)
• အီတလီတွင် ဒုက္ခသည်လှေများနစ်မြုပ်မှု လူ ၇၀၀ ကျော် သေဆုံးနိုင် (May 29, 2016)
• ဒုက္ခသည်ကလေးများ ပညာရေးအတွက် ရန်ပုံငွေအစီအစဉ် ကုလစတင်မည် (May 18, 2016)

The post ပြောင်းရွှေ့အခြေချမှုကို ဥရောပတိုက်က လိုအပ်ဟု နိုင်ငံခြားရေး အကြီးအကဲပြော appeared first on News @ M-Media.