ထိုင်းမှ မြန်မာဒုက္ခသည်အချို့ မကြာခင် နေရပ်ပြန်နိုင်မည်

ဇွန် ၃၀၊ ၂၀၁၆
M-Media



– ပဋိပက္ခများကြောင့် ထွက်ပြေးတိမ်းရှောင်နေရပြီး ထိုင်းနိုင်ငံအတွင်း ခိုလှုံနေရသည့် ဒုက္ခသည် ၂၀၀ နီးပါးကို နေရပ်ပြန်ပို့ရန် အစိုးရက စီစဉ်နေသည်ဟု နိုင်ငံခြားရေးဝန်ကြီးဌာနမှ ယမန်နေ့ ညနေပိုင်းတွင် ထုတ်ပြန်သော ကြေငြာချက်၌ ဖော်ပြထားသည်။

မည်သည့် တိုင်းရင်းသားလူမျိုးများကို၊ မည်သည့်တိုင်းဒေသကြီးနှင့် ပြည်နယ်များသို့ ပြန်ပို့မည်ဆိုသည်နှင့်ပတ်သက်၍ ကြေငြာချက်တွင် အသေးစိတ် ဖော်ပြထားခြင်း မရှိဘဲ၊ ပြန်ပို့မည့်သူများကို ရွေးချယ်ထားပြီဖြစ်သည်ဟု ဆိုသည်။

ပြီးခဲ့သည့်တစ်ပတ် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထိုင်းနိုင်ငံသို့ သွားရောက်မှုတွင် အိုးအိမ်စွန့်ခွာ ထွက်ပြေးခဲ့ရသူများနှင့် အထောက်အထားမဲ့ မြန်မာနိုင်ငံသားများကို နေရပ်ပြန်ပို့ရေး ပူးပေါင်းဆောင်ရွက်ရန် နှစ်ဖက်အစိုးရက သဘောတူညီခဲ့ကြသည်ဟု နိုင်ငံခြားရေးဝန်ကြီး၏ အဆိုပါ ကြေငြာချက်တွင် ဖော်ပြထားသည်။

ထိုသို့ နေရပ်ပြန်ပို့ရေးမှာ အချိန်အတိုင်းအတာတစ်ခု ကြာမြင့်နိုင်သည်ဟုလည်း နိုင်ငံခြားရေးဝန်ကြီးဌာနက ပြောကြားခဲ့သည်။ ပထမဆုံးအနေဖြင့် နေရပ်ပြန်ပို့ခံရမည့်သူများကို နိုင်ငံသားစီစစ်ရေးလုပ်ငန်းများ လုပ်ဆောင်သွားမည်ဖြစ်ပြီး၊ အမှန်တယ်ပြောင်းရွှေ့နေထိုင်ရေးမှာ ၎င်းတို့ စွန့်ခွာခဲ့ရသည့် ကျေးရွာများ၊ မြို့နယ်များကို ပုံမှန်ပြန်ဖြစ်ရန် အစိုးရက ဆောင်ရွက်မှု ပြုလုပ်ပြီးမှသာ ဖြစ်လာမည်ဖြစ်သည်။

လုပ်ငန်းစဉ်စတင်မည့် အချိန်အတိအကျကိုလည်း ကြေငြာချက်တွင် မဖော်ပြထားချေ။

“လက်ရှိမှာ အိုးအိမ်စွန့်ခွာထွက်ပြေးခဲ့ရသူ ၁၉၆ ဦးက မြန်မာနိုင်ငံကို ပြန်လာချင်တဲ့ဆန္ဒ ရှိပါတယ်။ သိပ်မကြာခင်မှာ အစိုးရအနေနဲ့ နိုင်ငံသားစီစစ်ဖို့ ကိုယ်စားလှယ်အဖွဲ့တစ်ခု စေလွှတ်သွားမှာဖြစ်ပါတယ်။ အဲဒီအဖွဲ့ဟာ နိုင်ငံသားတွေကို သူတို့ရဲ့ ဇာတိရပ်ရွာ ပြန်ပို့နိုင်ရေးအတွက် သက်ဆိုင်ရာ ၀န်ကြီးဌာနတွေနဲ့ ပူးပေါင်း ညှိနှိုင်းဆောင်ရွက်သွားမှာပါ” ဟု ကြေငြာချက်တွင် ရေးသားထားသည်။

ထိုင်းနိုင်ငံတွင် လက်ရှိအချိန်၌ မြန်မာနိုင်ငံသားဒုက္ခသည် ၁၁၀,၀၀၀ ကျော် ရှိနေပြီး အများစုမှာ တိုင်းရင်းသားလက်နက်ကိုင်များနှင့် အစိုးရစစ်တပ်တို့အကြား တိုက်ခိုက်မှုများကြောင့် အိုးအိမ်စွန့်ခွာ ထွက်ပြေးခဲ့ရသူ တိုင်းရင်းသားလူနည်းစုများဖြစ်သည်။

Ref: mmtiems