လူဇင်ဘတ်ဝန်ကြီးချုပ် လိင်တူချစ်သူ အမျိုးသားနှင့် လက်ထပ်

မေ ၁၆၊ ၂၀၁၅
M-Media



– ဥရောပမှ နိုင်ငံငယ်တစ်ခုဖြစ်သည့် လူဇင်ဘတ်ဝန်ကြီးချုပ် ဇာဗီယာ ဘက်တဲလ်မှာ ၎င်း၏ လိင်တူချစ်သူ ရည်းစားကို ယမန်နေ့က လက်ထပ်ခဲ့ပြီး ဥရောပတွင် ပထမဆုံး လိင်တူလက်ထပ်သည့် ခေါင်းဆောင် ဖြစ်လာခဲ့သည်။

၂၀၁၃ ခုနှစ်တွင် ၀န်ကြီးချုပ်ဖြစ်ခဲ့သည့် အသက် ၄၂ နှစ်အရွယ် ဗဟိုလက်ယာယိမ်း နိုင်ငံရေးသမား ဘက်တဲလ်မှာ ဘလ်ဂျီယံ ဗိသုကာပညာရှင်ဖြစ်သော လိင်တူချစ်သူ အမျိုးသား ဂူသီယာ ဒက်စ်တီနေးနှင့် ယမန်နေ့က လက်ထပ်ခဲ့ခြင်းဖြစ်ပြီး ရိုမန်ကက်သလစ်အယူဝါဒ လွှမ်းမိုးသော လူဇင်ဘတ်တွင် လိင်တူလက်ထပ်ခွင့်ကို တရားဝင်ခွင့်ပြုခဲ့ပြီး လအနည်းအကြာတွင် ၎င်းတို့ လက်ထပ်ပွဲ ဖြစ်လာခဲ့ခြင်းဖြစ်သည်။

ဘက်တဲလ်မှာ ဒက်စ်တီနေးနှင့် လက်ထပ်သွားမည်ဟု ပြီခဲ့သည့်နှစ် သြဂုတ်လကပင် ကြေညာခဲ့ခြင်းဖြစ်သည်။

ဝန်ကြီးချုပ်နှင့် ၎င်း၏ အိမ်ထောင်ဖက်တို့မှာ လက်ချင်းတွဲကာ လူဇင်ဘတ်မြို့တော်ခန်းမသို့ ၀င်ရောက်လာခဲ့ပြီး သာမန်သာပြုလုပ်ခဲ့သည့် ၎င်းတို့၏ မင်္ဂလာပွဲသို့ တက်ရောက်သူ ၁၀၀ ၀န်းကျင် ရှိခဲ့သည်။

“လူဇင်ဘက်ပြည်သူအားလုံးကို ကျေးဇူးတင်ပါတယ်” ဟု လက်ထပ်ပွဲပြီးနောက် ဘက်တဲလ်က ပြောကြားခဲ့ပြီး လူအုပ်ကြီးကလည်း ဆန်နှင့် ရောင်စုံစက္ကူများကို ၎င်းတို့နှစ်ဦးပေါ်သို့ ကြဲချခဲ့သည်။

ဥရောပတွင် လိင်တူချစ်သူကို လက်ထပ်သော ပထမဆုံးခေါင်းဆောင် ဖြစ်လာသည့် ဘက်တဲလ်မှာ ၂၀၁၀ ခုနှစ်က လိင်တူချစ်သူ စာရေးဆရာအမျိုးသားကို လက်ထပ်ခဲ့သည့် အိုက်စလန်ဝန်ကြီးချုပ် ဂျိုဟန်နာ စီဂါဒါဒေါ့တီရ်ပြီးနောက် ကမ္ဘာပေါ်တွင် လိင်တူလက်ထပ်သည့် ဒုတိယမြောက် ခေါင်းဆောင်လည်း ဖြစ်လာခဲ့သည်။

လူဇင်ဘတ်လွှတ်တော်မှာ ၂၀၁၄ ခုနှစ်ဇွန်လတွင် လိင်တူလက်ထပ်ခွင့်ကို အတည်ပြုခဲ့ပြီး နိုင်ငံအတွင်း ပထမဆုံး တရားဝင်လိင်တူလက်ထပ်မှုမှာ ၂၀၁၅ခုနှစ် ဇန်န၀ါရီ ၁ ရက်နေ့တွင် ဖြစ်လာခဲ့သည်။

Ref: Aljazeera