အောက်တိုဘာ ၂၊ ၂၀၁၇
M-Media
မိုဂါဒစ်ရှူးတွင် ဖွင့်လှစ်လိုက်သည့် တူရကီ ရေတပ်အခြေစိုက်စခန်း
– တူရကီဟာ အာဖရိကရဲ့ အချက်အခြာ ဆိုမာလီယာနိုင်ငံ မြို့တော် မိုဂါဒစ်ရှူးမှာ ရေတပ်အခြေစိုက်စခန်းတစ်ခုကို ဖွင့်လှစ်ခဲ့ပြီး နိုင်ငံရပ်ခြားမှာ တူရကီရဲ့ အကြီးဆုံး စစ်စခန်း ဖြစ်ပါတယ်။
ကန်ဒေါ်လာ သန်းငါးဆယ် ကုန်ကျခဲ့တဲ့ အဲဒီအခြေစိုက်စခန်းကို စနေနေ့က ဖွင့်လှစ်ခဲ့တာဖြစ်ပြီး ဆိုမာလီတပ်သား ၁၀၀၀၀ ကို သင်တန်းပေးမှာ ဖြစ်ပါတယ်။ စစ်စခန်းကနေ တစ်ကြိမ်မှာ အနည်းဆုံး စစ်သား ၁၅၀၀ ခန့် လေ့ကျင့်နိုင်စွမ်းရှိတယ်လို့ တူရကီနဲ့ ဆိုမာလီ တာဝန်ရှိသူတွေက ပြောကြားခဲ့ပါတယ်။
“ဒီစခန်းဟာ တူရကီနိုင်ငံအပြင်ဘက်မှာ ဆောက်လုပ်တဲ့စခန်းများအနက် အကြီးဆုံး လေ့ကျင့်ရေးစခန်း ဖြစ်ပါတယ်။ တူရကီအစိုးရနဲ့ စစ်တပ်ဟာ ဆိုမာလီယာက ကျွန်တော်တို့ ညီနောင်တွေအတွက် လိုအပ်တဲ့ အထောက်အပံ့တွေကို ပေးသွားမှာဖြစ်ပါတယ်” လို့ တူရကီ စစ်ဦးစီး အရာရှိချုပ် ဟူလူစီ အာကာက ဖွင့်ပွဲအခမ်းအနားမှာ ပြောကြားခဲ့ပါတယ်။
ဧရိယာ ၄ စတုရန်းကီလိုမီတာခန့် အကျယ်ရှိတဲ့ အဆိုပါစခန်းကို လွန်ခဲ့သည့် နှစ်နှစ်ကတည်းက တည်ဆောက်နေခဲ့တာ ဖြစ်ပါတယ်။
“ဒီစစ်သင်တန်းဟာဆိုရင် ကျွန်တော်တို့ တပ်မတော်ကို ပြန်လည်တည်ဆောက်ဖို့ ထားရှိတဲ့ ကတိက၀တ်ရဲ့ အစိတ်အပိုင်းတစ်ခု ဖြစ်ပါတယ်” လို့ ဆိုမာလီဝန်ကြီးချုပ် ဟာစန် အလီ ခိုင်းရ်က ဖွင့်ပွဲအခမ်းအနားမှာ ပြောကြားခဲ့ပါတယ်။
ဆိုမာလီနိုင်ငံဟာ ၁၉၉၁ ခုနှစ်ကတည်းက ဆိုင်ယာဒ်ဘားရီ ခေါင်းဆောင်တဲ့ အစိုးရအဖွဲ့နှင့် လူမျိုးစုစစ်သွေးကြွတွေအကြား ကြာရှည်စွာ စစ်ပွဲဆင်နွှဲနေခဲ့ရတာ ဖြစ်ပါတယ်။
Ref: Al jazeera
The post တူရကီက ဆိုမာလီယာတွင် ရေတပ်အခြေစိုက်စခန်းတစ်ခု ဖွင့်လှစ် appeared first on News @ M-Media.
Facebook
Twitter
0 comments:
Note: only a member of this blog may post a comment.