အာဇာနည် (၉) ဦး ကြေးရုပ်များ တောင်တွင်းကြီး ဗိုလ်ချုပ်ပန်းခြံမှာ ထားရှိမည်

ဇူလိုင် ၉ ၊ ၂၀၁၆
M-Media
သတင်း- သူရိန်
.
မကြာမီ ကျရောက်တော့မည့် ၆၉နှစ်မြောက် အာဇာနည်နေ့ကို ဂုဏ်ပြုသော အားဖြင့် အမျိုးသား အာဇာနည် ခေါင်းဆောင်ကြီး ဗိုလ်ချုပ်အောင်ဆန်း အပါအဝင် အာဇာနည်ခေါင်းဆောင်ကြီးများရဲ့ ကြေးသွန်း ရုပ်တုများကို တောင်တွင်းကြီးမြို့နယ် ဗိုလ်ချုပ်ပန်းခြံတွင် ထားရှိသွားမည် ဖြစ်ကြောင်း သိရသည်။
.
အဆိုပါ ကြေးရုပ်တုများကို မန္တလေးမြို့ တမ္ပဝတီရပ် မှ ကြေးသွန်းပညာရှင် ဦးမြင့်ဌေး (သား) ကိုတိုင်းလင်း ချမ်းသာအောင် မြန်မာမှု ကြေးသွန်းလုပ်ငန်းက သွန်းလုပ်ခဲ့ခြင်း ဖြစ်သည်။
.
တောင်တွင်းကြီးမြို့မှ အာဇာနည် ကြေးရုပ်တုများ သယ်ယူရေးဆပ်ကော်မတီမှ အာဇာနည်ကြေးရုပ်များကို လာမည့် ဇူလိုင်လ ၁၁ရက်နေ့ မွန်းလွဲ ၃နာရီခန့်တွင် မန္တလေးမြို့မှ သယ်ယူမည် ဖြစ်ပြီး ကျောက်ပန်းတောင်မြို့တွင် ညအိပ်ရပ်နားမည် ဖြစ်သည်။
.
သယ်ယူရေးကားတစ်စီးလျှင် အာဇာနည်တစ်ဦးချင်းစီ၏ ကြေးသွန်းရုပ်တုများ တင်ဆောင်ကာ ဗီနိုင်း ပိုစတာများ ချိတ်ဆွဲသယ်ယူမည်ဟုလည်း သိရသည်။
.
ဇူလိုင်လ ၁၂ရက်နေ့ နံနက် ၇နာရီတွင် ကျောက်ပန်းတောင်မြို့မှ ပြန်လည်ထွက်ခွာပြီး ရေနံချောင်း၊ မကွေးမြို့များကို ကျော်ဖြတ်ကာ တောင်တွင်းကြီးမြို့သို့ ညပိုင်းတွင် ရောက်ရှိမည် ဖြစ်ကြောင်း သိရသည်။
.
မကွေးတိုင်းဒေသကြီး တောင်တွင်းကြီးမြို့ ဗိုလ်ချုပ်ပန်းခြံအတွင်းရှိ အာဇာနည် ရင်ပြင်ပေါ်တွင် ဗိုလ်ချုပ်အောင်ဆန်း ရုပ်တုနှင့် အတူ ဂုဏ်ပြုခံထားရှိမည့် အာဇာနည် ခေါင်းဆောင်ကြီးများ၏ ကြေးရုပ်တုများအား တောင်တွင်းကြီး မြို့သူမြို့သားများနှင့် ပြည်သူအားလုံး သိမြင် ဂုဏ်ပြုနိုင်ရန် ရည်ရွယ်ကြောင်း သတင်းရရှိသည်။
.
Photo Credit: Aung KyawKyaw FB

Related Posts

• အာဇာနည်နေ့ ဝမ်းနည်းခြင်း အထိမ်းအမှတ်အဖြစ် ဗ-လ-မ ဋ္ဌာနချုပ်မှ ပေးပို့ခဲ့တဲ့စာ (၁၉၄၇) (Jul 18, 2014)
• အလွှာစုံညီ မြန်မာ့အာဇာနည် (ကဗျာ- M-Media Blog ကဏ္ဍ) (Jul 18, 2013)
• မမေ့နိုင်ရွယ်ရည် ၆၆-နှစ်တိုင်လေပြီ အာဇာနည်မြတ် ဦးရာဇတ် (Jul 18, 2013)
• သမိုင်းထဲက သက်သေများ [သတင်းစာများပြောတဲ့ မြန်မာမွတ်စလင်မ်တို့ သမိုင်း (၈)] (Jul 18, 2013)
• ရဲဘော် ကိုထွေး (၁၉၂၉ – ၁၉၄၇) (Jul 18, 2013)
• သမိုင်းထဲက သွေးစွန်းခဲ့တဲ့ နေ့တစ်နေ့ (၆၆-နှစ်မြောက် အာဇာနည်နေ့ အထိမ်းအမှတ်) (Jul 17, 2013)
• မန်းဘခိုင် (၁၉၀၃ – ၁၉၄၇) (Jul 17, 2013)
• သမိုင်းထဲက သက်သေများ [သတင်းစာများပြောတဲ့ မြန်မာမွတ်စလင်မ်တို့ သမိုင်း (၇)] (Jul 16, 2013)
• ဦးဘချို (၁၈၉၃ – ၁၉၄၇) (Jul 15, 2013)
• (၇ ဇူလိုင်/ ၁၉ ဇူလိုင် ) အာဇာနည်မျိုး သေရိုးမရှိ (Jul 14, 2013)